Дэлхийн хөгжлийн чиг хандлагатай мөр зэрэгцэн Улаанбаатар хот маань ч өөрийн гэсэн онцлогтой шөнийн амьдралтай болсон. Шөнийн клубыг баар ресторантай андуурч хольж ойлгодог, шөнийн клубд зөвхөн согтуу хөлчүү хүмүүс байдаг мэтээр өрөөсгөл ойлголт тээсээр та бид өдийг хүрсэн. Угтаа бол шөнийн клуб гэдэг өөрийн гэсэн тогтсон хууль дүрэм, хөгжлийн урт удаан түүхтэй бизнесийн онцгой салбар ба нийгэмд ашиг тустай соёлын үйлчилгээ үзүүлэгч гэдгийг комунист Хятад, Вьетнам, Кубад хүртэл хүлээн зөвшөөрдөг билээ. Гурав дахь удаагаа шинэчлэгдэж байгаа MAX MUSIC CLUB-ийн продуссер DJ Б.Жаргалсайхантай ярилцлаа.

- Монголын шөнийн клубүүд дэлхийн бусад улсын шөнийн клубүүдтэй харьцуулахад ямар түвшинд явна вэ?
- Техник технологи, орчин, менежмент гээд ярьвал аль ч улсаас дутахгүй түвшинд хүрсэн. Харин хууль эрх зүй, хүмүүсийн хандлага ойлголт талаас нь авч үзвэл бэрхшээлтэй зүйл олон бий. Монголд ирсэн барууны жуулчид манай клубээр их ордог. Монголд зөвхөн MAX MUSIC CLUB-ийг үзэхээр ирсэн жуулчид ч байдаг. Гадныхан маш өндөр сэтгэгдэлтэй буцдаг. Азид клубын хөгжим ийм өндөр түвшинд хүрсэн орон тун цөөн. Гэвч энэ салбарт  төрийн дарамт маш их байдаг. Дэлхийн нийтэд шөнийн клуб 00:00 цагаас хаалгаа нээдэг. Гэтэл манайд үйлчилгээгээ зогсоохыг шаарддаг. Үүнийг гадныхан огт ойлгодоггүй. Олон улсын жишигт нийцсэн хууль дүрэм, стандартыг дагаж мөрдөөд ажиллавал энэ салбар эдийн засгийн том багтаамжтай салбар. Гэвч бид үүнийг ашиглаж чадахгүй л байна.

- MAX MUSIC CLUB-ийн бусад шөнийн клубээс ялгарах онцлог юу вэ. Сүүлийн арван хэдэн жилд олон шөнийн клуб нээгдэж, нээгдэх хэрээр зарим нь үүдээ барьж байлаа шүү дээ. Тогтвортой оршин тогтнож ирсэний нууц гэвэл юуг хэлэх вэ?
   Саяхан хэсэг нөхөд Монголд байхгүй супер лазерын шоу гэж юм хийлээ. Очоод үзтэл тэрнээс өндөр хүчин чадалтай лазер манайд хоёр ч ширхэг байдаг. Хөгжмийн дугаралтаараа манайх хамгийн хүчтэй нь.  Хөгжим, гэрлээр манайхтай өрсөлдөхүйц газар одоохондоо алга. Гэхдээ энэ бүхэн бидэнд чухал биш. Бидэнд хамгийн чухал нь MAX MUSIC-аар орсон залуус ямар нэг зүйлийг олж таньж, мэдэрч, нэгдэж чадсан байх нь л чухал. Хөгжимд үнэнч залуус бол бидний хамгийн том гайхуулах зүйл.  MAX MUSIC CLUB бол хөгжмийг зүрх сэтгэлээсээ хүсч сонсдог тийм залууст зориулсан шөнийн клуб. “Хөгжим сонсоё гэвэл MAX, хүүхэн ширтье гэвэл бусад”  гэж залуусын дунд хэлц үг ч байдаг юм билээ. Үнэхээр манай клубээс үе үеийн шилдэг DJ нар төрөн гарсан. Үүнтэй маргах хүн байхгүй. Залуусын дунд хит болсон электроник дуунууд хамгийн түрүүнд MAX MUSIC CLUB-т дугардаг. Хөгжмийг мэргэжлийн төрөл жанраар нь цэвэр тоглож ирснээр нь биднийг залуус сайн мэднэ. R&B сонсдог хүмүүс манайд ордоггүй үе ч байсан. Учир нь нэг ч R&B дуу тавьдаггүй байсан болохоор. Харин 2010 оноос хөгжмийн бодлого нэлээд өөрчлөгдсөн бид электроник хөгжмөөр санасандаа хүрсэн учраас клубын хөгжмийн бусад урсгалыг ч тэр дундаа R&B dance hope дуунуудыг ч тоглох болсон. Бид өөрсдийгөө хэзээ ч номер нэг шөнийн клуб гэдэг юм уу, дөвийлгөж өргөмжилдөггүй. Бид залуусын нэг орой, эсвэл амьдралынх нь нэг хэсэг хугацаанд хүсэл эрмэлзэл дээр нь тулгуурлаж үйлчилгээ үзүүлж байгаа учраас хариуцлага гэдэг зүйлийн хойноос байнга явдаг. Залууст маань юу үлдэх нь чухал вэ гэдгийг байнга бодолцдог. Чин сэтгэлээсээ нэгнээ хүндэлдэг соёлтой залуус, хөгжмийг хэлбэрээр нь биш агуулгаар нь ойлгож мэдэрдэг тийм хүрээг бий болгохын төлөө л зүтгэж ирсэн. Тийм хүрээ ч манай клубд бүрэлдсэн. Нэг анги хамт олон шиг дотно клубэр залуус бий. Энэ маань л бидний онцлог юм уу даа.

- Саяхан нэгэн том шөнийн клуб засвар хийгээд шинэчлэгдсэн гэж сонсоод орж үзсэн. Гэтэл хуучнаасаа нэг их өөрлөгчдсөн зүйл харагдаагүй. Та бүхний засвар шинэчлэлийн ажил юу болж байна. Үнэхээр 100% шинэчлэгдэж байна уу. Эсвэл өнгөн талаа засч байна уу. Яг юу өөрчлөгдөх вэ?
- Зургаан жилийн өмнө манайд ордог байсан залуус 30 нас хүрч байна. Цагийн аясаар тэдний маань сонголт зөөлөрч, төрөлжиж. Гэтэл нөгөө талаасаа үргэлж шинэлэг үнэнч электроникууд байна. Энэ бүх хүрээгээ хамарсан тэнцвэртэй хольцтой хөгжим тавих нь бидний 100% төслийн үндэс. Залуусын сонсох дуртай house, techno-гоос R&B, reggae хүртэл клубын хөгжмийн бүх цаг үеийг хамарч илүү баялаг, учир утгатай сет тоглохыг хичээх болно. 2010 онд Version 2.0 төсөл хэрэгжүүлээд дотор интерьэрээ 100% сольсон. Хэдийгээр тэр интерьер маань хуучирч муудаагүй ч гэлээ бид шинэчлэгдэхийг хүссэн. Ингээд дотор засал 100% өөрчлөгдөж байна. Бас л учир утгатай дизайнлаг бүтээл хийхийг хичээж байна. Заслын маань ихэнхи шийдэл дүрслэх урлагын хэлээр бол “кубизм” болж байгаа юм. Нэг ёсондоо дотор интерьер маань зүгээр нэг гоё ганган зүйл биш агуулга, философитой урлагын бүтээл болно. Таны хэлсэн зүйлийг би ойлгож байна. Хуучнаасаа нэг их өөрчлөгдөхгүй бол сүржин сурталчилгаа болгоод хэрэггүй. 2010 онд бид 100% өөрчлөлт хийж байсан. Энэ удаа ч мөн адил. Ер нь MAX MUSIC CLUB шиг 100% шинэчлэгдсэн шөнийн клуб Монголд байхгүй л болов уу. Шинэчлэлийн ажил маань 70%-тай явж байна. 2013 оны 10-р сарын 25 гэхэд нээлтээ хийх байх гэсэн тооцоотой ажиллаж байна.

- Шөнийн клуб бүр л хөгжим гэрлийн гайхамшиг гэж ярьдаг.  Хөгжим гэрлийн давуу тал гэдгийг яг яаж мэдэрч ойлгож ёстой вэ.
- Тиймээ. Бид хөгжим гэрлийн гайхамшиг гэж тодорхой бус зүйл ярихгүй. Манайхтай хөгжим гэрлээр өрсөлдөхүйц газар байхгүй л гэдгийг тодорхой хэлж байгаа юм. Яагаад гэвэл тодорхой хэмжигдэхүүнтэй зүйл. Манай клубын хувьд өмнө нь хүчтэй дугаралтыг чухалчилдаг байсан. Харин одоо бид хүчтэй гэхээсээ илүү цэвэр дугаралтыг чухалчилж байна. Өмнө нь 4 замаар дугардаг байсан хөгжмөө 8-16 замаар дугаргана. Мөн шөнийн клубүүдийн түүхэнд анх удаа Itones, Amazon-оор зохиогчын эрхтэй дуу авах болсон. Интернэтээс дурын нэг сайтаар татсан дуу, албан ёсны эрхэй, файл нь бүтэн хэмжээтэй дууны дугаралт, чанар гэдэг шал өөр. Тэгэхээр бид цэвэр дугаралт бүр маш цэвэр тааламжтай дугаралтын төлөө ажиллаж байна.