Улаанбаатар хотын өдрийг тохиолдуулан нийслэлийн есөн дүүргийн сурагчдын дунд зохион байгуулсан “Хүүхдийн найрал дууны уралдаан”-ы шилдгүүд өчигдөр тодорлоо. Тэмцээнд Чингэлтэй дүүргийн тавдугаар дунд сургууль тэргүүн байрыг эзэлсэн байна. Харин удаах байруудад Баянзүрх дүүргийн 84-р дунд сургууль, гуравдугаар байрыг Чингэлтэй дүүргийн 39-р дунд сургуулийн найрал дууны хамтлаг тус тус эзэлжээ.

Уралдааны шагналын сан 4.5 сая төгрөг бөгөөд тэргүүн байранд шалгарсан Тавдугаар сургуулийн сурагчид хоёр сая, дэд  байрыг эзэлсэн 84-р дунд сургуулийн сурагчид 1.5 сая, гутгаар байранд орсон 39-р дунд сургуулийн хамтлаг нэг  сая төгрөгөөр тус тус шагнуулсан байна. Мөн дээрх гурван сургуулийн найрал дуу дуулаач хүүхдүүд Нийслэлийн 374 жилийн ойн өдөр буюу энэ сарын 29-нд Соёлын төв өргөөнд болох “Хүүхдийн найрал дууны наадам”-д оролцож, ая дуугаа өргөнө.