БНХАУ-ын Чиндао хотноо үргэлжилж буй жүдо бөхийн олон улсын Гран-при тэмцээний эхний өдөр эрэгтэйчүүдийн 60 кг-ын жинд барилдсан Г.Хэрлэн, 66 кг-д барилдсан Д.Төмөрхүлэг нар мөнгөн медаль хүртлээ.

Мөн эмэгтэйчүүдийн 57 кг-ын жинд Д.Сумъяа шагналт тавдугаар байрт шалгарсан байна.

Тэмцээний хуваарь ёсоор өчигдөр эрэгтэйчүүдийн 60, 66 кг, эмэгтэйчүүдийн 48, 52, 57 кг-ын жинд аваргууд тодорсон юм.

Харин өнөөдөр эрэгтэй 73, 81 кг, эмэгтэй 63, 70 кг-ын жингийн барилдаан болох бөгөөд Монголын жүдочдоос Б.Хишигбаяр /73 кг/, Г.Түвшинжаргал, Б.Хулан / 70 кг/ , Ц.Цэрэнханд / 70 кг/ нар зодоглоно. Энэ тэмцээн олимпийн эрхийн төлөөх томоохон тэмцээнүүдийн нэг юм.