Эрүүл мэндэдээ санаа тавьдаг хэн бүхэнд хүнсээ зөв сонгоно гэдэг туйлын чухал асуудал. Тиймээс бид хүнс худалдан авахаар зэхэж буй эзэгтэй таньд дараах зөвлөгөөг хүргье.

-Хүнсний бүтээгдэхүүний хадгалалтын хугацаа дуусаагүй эсэхийг шалгах. Мэдээж энэ нь хүнс худалдан авч буй хүний алтан дүрэм.

-Хүнсний бүтээгдхүүний сав, баглаа боодлын бүрэн бүтэн байдлыг анхаарах

-Мах, загас, шувуу зэрэг түүхий бүтээгдхүүнийг шууд хэрэглэдэг бусад бэлэн бүтээгдхүүнээс сайтар тусгаарлан зөөвөрлөх

-Хөлдөөсөн, хөргөсөн хүнсийг худалдаж аваад, богино хугацаанд гэрийн хөлдөөгч, хөргөгчид хийх, эсвэл хурдан бэлтгэж хэрэглэх

Дараах тохиодолд тухайн хүнсийг авахгүй байхыг зөвлөж байна.

-Хүнсний бүтээгдхүүний хадгалах хугацаа хэтэрсэн;

-Сав, баглаа боодол нь урагдаж гэмтсэн;

-Лаазалсан бүтээгдхүүний сав нь зэвэрсэн, хонхойж цохигдсон, хий дүүрч таг нь төвийсөн, дарахад хотолцож байвал;

-Өндөгний хальс нимгэрч, өнгө нь өөрчлөгдсөн, хагарч цуурсан, гадна тал нь бохирдсон;

-Шилэнд савласан бүтээгдхүүнд булингар, тунадас, хөгц үүссэн байвал;

-Хиам, өндөг, нарийн боов, студень, зууш зэрэг түргэн мууддаг бүтээгдхүүнийг хөргүүргүй, ил задгай нөхцөлд зарж, борлуулж байвал;

-Дэлгүүрт борлуулж буй хөлдөөсөн бүтээгдэхүүн гэссэн байвал;

-Хүнсний бүтээгдхүүний хэвийн өнгө, үнэр, төлөв байдал өөрчлөгдөж, муудсан шинж тэмдэг илэрсэн бол тухайн хүнсний бүтээгдэхүүний чанар алдагдаж, өвчин, эмгэг үүсгэгч бичил биетэн өсөж үржсэн байж болзошгүй.