УЕПГ-ын төлөвлөгөөнд тусгагдсаны дагуу Ял эдлүүлэх ажиллагаанд тавих хяналт хариуцсан төв орон нутгийн прокуроруудын мэдлэг, чадвар, чадавхи, хяналтын ажлын арга барилыг дээшлүүлэхэд чиглэгдсэн сургалтыг 2014 оны 05-р сарын 12-наас 16-ны өдрүүдэд УЕПГ-ын дэргэдэх Сургалт судалгааны төвд амжилттай явагдаж байна.

Сургалтанд Улс, нийслэл, тээвэр, дүүргийн болон аймаг орон нутгийн прокурорын газруудаас нийт 50 орчим прокурорууд 5 хоногийн турш хамрагдаж байгаа юм.

Сургалтыг хөтөлбөрийн дагуу Доктор, профессор С.Жанцан “Эрүүгийн хууль тогтоомжид заасан ял эдлүүлэх ажиллагаанд тулгамдаж байгаа зарим асуудал”

МУИС-ийн ХЗДС-ийн зөвлөх Ж.Бямба “ЭБША- нд шийтгэх тогтоол биелүүлэх ажиллагааны цаашдын төлөвлөгөө”

ХЗЯ хэлтсийн дарга Г Оюунболд “Шинээр батлагдсан хуулиудын үзэл, баримтлал”

Өмгөөлөгч Р.Оюунбадам “Хорих ялын дэглэм мөн чанар харьцуулсан судлал цаашдын чиг хандлага”

ШШГЕГ-ын ТГГ дарга, хурандаа Б.Амардорж “Хорих ял эдлүүлэх ажиллагаан дахь хуулийн хэрэгжилт, гарч буй хүндрэл бэрхшээлийн талаар”

ШШГЕГ-ын ХӨТЯЭГ-ын дарга, хурандаа Б.Нямгомбо Хорихоос өөр төрлийн ял эдлүүлэх ажиллагаа, түүний биелэлт”

ХСИС-ын ШШГС-ийн захирал, хурандаа Н.Гантулга “Ял эдлүүлэх ажиллагаатай холбоотой олон улсын гэрээ конвенц”

ХЭҮК-ын гишүүн П.Оюунчимэг “Ял эдлүүлэх ажиллагаанд хүний эрхийг хангах”

УЕПГ-ын хяналтын прокурор Д.Болор-Эрдэнэ “Цахим бүртгэлийн өөрчлөлт”

Төв аймгийн прокурорын газрын туслах прокурор М.Хэрлэнчимэг “Төв аймгийн прокурорын газрын ЯЭАТХ-ын ажлын талаархи сонсгол”

УЕПГ-ын ЯЭАТХХХ-ийн дарга И.Пүрэвцогт болон хяналтын прокурорууд “Тулгамдаж байгаа асуудал, заавар, аргачлалд тодорхойгүй, хэрэгжүүлэхэд хүндрэлтэй, хууль тогтоомжтой зөрчилдсөн зүйл байгаа эсэх” асуудлаар хэлэлцүүлэг хийж байна.

Түүнчлэн сургалтын хүрээнд 15, 16-ны өдрүүдэд Цагдан хорих 461, 409-р ангийн үйл ажиллагаатай танилцах ажээ.