“Mongolia mining corporation” нэрээр Хонконгийн бирж дээр IPO хийж монголчуудын бахархлыг төрүүлж байсан “Энержи ресурс” компани нь манай улсын урдаа барьдаг томоохон үндэсний үйлдвэрлэгч билээ. Уг компани нь маш их хэмжээний татвар төлөхөөс гадна нийгмийн хариуцлагаа ухамсарлан ажилладаг томоохон компани юм. “Энержи ресурс” нь хэдхэн хоногийн өмнө болсон Тавантолгойн нүүрсний орд газарт хөрөнгө оруулагчийг сонгон шалгаруулах уралдаанд Хятад, Японы компаниудтай хамтран оролцож ялалт байгуулагдаад байна. Ингээд үндэсний шилдэг үйлдвэрлэгч “Энержи ресурс” компанийн тухай 24 баримтыг хүргэж байна.1. “Энержи Ресурс” ХХК нь 2005 онд байгуулагдсан үндэсний уул уурхайн компани бөгөөд монгол нүүрсний үнэ цэнийг нэмэгдүүлж, сайн чанарын нүүрс, нүүрсэн бүтээгдэхүүнээр дэлхийн зах зээлд өрсөлдөж яваа үндэсний томоохон үйлдвэрлэгч юм.
2. Тус компани нь өнөөдрийн байдлаар Өмнөговь аймгийн Цогтцэций сумын нутаг дахь Ухаа Худаг коксжих нүүрсний ордод үйл ажиллагаа явуулдаг бөгөөд 2,962 га талбай бүхий, 11952А ашиглалтын тусгай зөвшөөрөл эзэмшдэг. Ухаа Худаг уурхайн үйл ажиллагаа 2009 онд эхэлсэн бөгөөд өнөөдрийн байдлаар хүчин чадал болон үйл ажиллагааны цар хүрээгээр Монголын нүүрсний салбарт тэргүүлэгч уурхай болж чадсан.
3. “Энержи Ресурс компанийг М-Си-Эс групп, Петровис ХХК, Шунхлай групп зэрэг дотоодын зах зээлд танигдсан, үндэсний хэмжээний томоохон компаниудын хамтын хөрөнгө оруулалттайгаар байгуулсан.
4. 2010 оны 10-р сард тус компани Хонконгийн хөрөнгийн биржид бүртгүүлж, Монголын компаниудаас анх удаа олон улсын хөрөнгийн зах зээлд амжилттай хөл тавьсан юм. Тэд IPO хийж 600 сая ам.доллар босгосон.
5. Уурхайн үндсэн үйл ажиллагаа болох нүүрс олборлолт, хөрс хуулалт болон мэргэжлийн ажилчдын сургалт, дадлагажуулалт зэрэг чиглэлүүдэд “Энержи Ресурс” компани Австралийн дэлхийд алдартай Лейтон Ази компанитай хамтарч ажилладаг.
6. Харин нүүрс баяжуулах үйлдвэрийг шинээр барьж байгуулах ажилд боловсруулах үйлдвэрлэлийн технологи, дизайн болон менежментийн чиглэлд дэлхийд тэргүүлэгч, Австралийн Сежмен компанитай хамтарч ажиллаж байна.
7. 2009 оноос хойшхи харьцангуй богино хугацаанд Ухаа Худаг уурхай нь Нүүрс баяжуулах үйлдвэр барьж үйл ажиллагааг нь эхлүүлсэн.
8. Мөн тус компани 18 мегаваттын цахилгаан станц, усан хангамжийн систем барьж ашиглалтад оруулсан.
9. “Энержи Ресурс” компани нь Өмнөговь аймгийн Цогтцэций суманд орон сууцны хо
роолол, сургууль зэрэг бүтээн байгуулалтыг хийж, техникийн болон нийгмийн дэд бүтцүүдтэй, аж үйлдвэрийн томоохон цогцолбор болгон өргөжүүлсэн.10. “Энержи Ресурс” компанийн үндсэн ажиллагсдын тоо 2,200 гаруйд хүрсэн.
11. Тэгвэл тус компани нь Ухаа Худаг цогцолборын хүрээнд 4,000 орчим хүнийг шууд ажлын байраар хангаж байгаа юм.
12. “Энержи Ресурс” компани 2007 он хүртэл Тавантолгойн ордыг бүхэлд нь эзэмшдэг байсан.
13. “Энержи Ресурс” компанид Энержи Ресурс Рэйл ХХК, Энержи Ресурс Майнинг ХХК, Энрестехнологи ХХК, Ухаа Худаг Ус Хангамж ХХК, Ухаа Худаг Ус Хангамж ХХК, Юнайтед Пауэр ХХК, Трансгоби ХХК, Говийн зам ХХК, Таван Толгой Нисэх Буудал ХХК зэрэг нийт найман охин компани харьяалагддаг.
14. Улс орны эдийн засгийн хөгжилд бодитой хувь нэмэр оруулж буй, үндэсний шилдэг бизнесүүдийг шалгаруулдаг ТОП 150 аж ахуйн нэгжийн шалгаруулалтад “Энержи Ресурс” ХХК гурав дахь жилдээ амжилттай оролцож, улсдаа тэргүүлэгч компаниудын “айргийн тав”-д буюу дөрөвдүгээр байранд бичигдэж байсан. Энэ нь тус компанийн үйл ажиллагааны цар хүрээг илтгэх биз ээ.
15. “Энержи Ресурс” ХХК нь 2009 онд байгуулагдсан цагаасаа хойш 400 орчим тэрбум төгрөгийг улсын төсөвт төвлөрүүлж иржээ.
16. Тус компани нь үндэсний 700 гаруй аж ахуйн нэгжтэй идэвхитэй хамтран ажиллаж ирсэн.
17. Түүхийг нь өгүүлбэл Ерөнхий сайд асан М.Энхсайхан, АМГТХЭГ-ын дарга асан Б.Жаргалсайхан, Ерөнхий сайд асан Сү.Батболд нар өнөөгийн “Энержи ресурс”-ыг байгуулж байсан бөгөөд улс төрийн гол хоёр хүчний хүмүүс болох Батж.Батбаяр, Т.Бадамжунай, Д.Идэвхтэн, П.Очирбат, Г.Батхүү нарыг элсүүлсэн гэх таамаг байдаг.
18. Таван толгойн нүүрсний ордын хөрөнгө оруулагчийг сонгох уралдаанд “Энержи ресурс” компани нь “Чайна Шэнхуа Энержи”, “Сүмитомо” корпорациудтай хамтарч оролцоод үнэлгээний хамгийн өндөр оноог авч Тавантолгойн ордод хөрөнгө оруулах эрхийг авсан.19. Таван толгойн хөрөнгө оруулагчийг шалгаруулах уралдаанд “Энержи ресурс”-ийг гадаадын хөрөнгө оруулагчидтай хамтарч концерциум болж оролцвол сонгогдох магадлалтай гэж ятгасан учраас Хятад, Японы салбартаа тэргүүлэгч компаниудтай хамтрах болсон хэмээн учир мэдэх хүмүүс хэлж байлаа.
20. Тус компанийн “Говийн Зам” ХХК нь 2010 оны 3-р сард уурхайн төслийн дэд бүтцийг сайжруулах хүрээнд байгуулагдсан бөгөөд Ухаа Худаг нүүрсний уурхайгаас Гашуун сухайтын хилийн боомт хүртэлх 245 км хатуух училттай авто зам барьж гүйцэтгэх ажлыг хариуцан ажилласан.
21. “Энержи ресурс” өөрийн хөрөнгөөр барьж эхлүүлсэн төмөр замыг нь улс өөрийн өртөгөөр барина, тус компанид одоо зарцуулаад байгаа хөрөнгө мөнгийг нь нөхөн олгоно хэмээн булаан авсан ч өдгөө хүртэл барьж чадахгүй байна. Өнөөдрийн тооцоогоор төмөр зам барих өртөг нь нэг тэрбум төгрөг давчихсан явж байна.
22. “Энержи Ресурс” ХХК Ази-Номхон далайн бүсийн хэмжээнд өндөр нэр хүндтэй “Global CSR” буюу Компанийн нийгмийн хариуцлагын олон улсын наадамд амжилттай оролцож, Байгаль орчны үйл ажиллагааны чиглэлд төгсгөлийн шатны ТОП 3 оролцогчийн нэгээр шалгарч байлаа. Даширамд сонирхуулахад тус шалгаруулалтад дэлхийн олон орны 73 компани өрсөлдсөн төдийгүй зөвхөн Байгаль орчны үйл ажиллагааны номинацид 50 гаруй компани материал ирүүлжээ.
23. “Энержи ресурс” компанийн хөрөнгө оруулагчдыг Малайзын тэрбумтан Роберт Куок болон нэлээд хэдэн гадны мөнгөтэй эрхмүүд байдаг гэсэн мэдээлэл байдаг. Гэхдээ нь таамаг төдий бөгөөд батлагдаагүй мэдээлэл билээ.
24. "Энержи ресурс" ХХКомпанийн захиалгаар Өмнөговь аймгийн Цогтцэций сумын нутаг дэвсгэрт байрлах Таван Толгойн Нисэх буудлыг барьж, ашиглалтад оруулсан.
24tsag.mn
Сэтгэгдэл (1125)