-
2015 оны 10 сарын 16
Нийслэлийн Засаг даргын А/753 дугаар захирамжийн дагуу нийслэлийн хэмжээнд цэргийн жинхэнэ алба хаах хугацаа дуусч бэлтгэлээр халагдсан байлдагч, түрүүчийг хүлээн авах, цэргийн жинхэнэ албанд иргэдийг татах, гэрээт цэрэг элсүүлэх ажил өнөөдөр эхэлж байгаа бөгөөд энэ сарын 18-ныг хүртэл үргэлжилнэ.
Нийслэлийн хэмжээнд зарлан дуудах хуудсыг 10 дугаар сарын 13-ны өдрийн байдлаар цэргийн насны залуучуудын 93.8 хувьд тараажээ. Зарлан дуудах хуудсаа авсан иргэд цэргийн үүрэгтний үнэмлэх, цахим үнэмлэх, эрүүл мэндийн даатгалын дэвтэр, нийгмийн даатгалын дэвтэр, хэрвээ оюутан бол оюутны холбогдох материалаа бүрдүүлж, дуудагдсан цэрэг татлагын байрандаа очно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 10 сарын 16
Л.Гансүх нарын шүүхийн тогтоолыг шалтгаангүй олон хоногоор хэтрүүлжээ
“Нүүрс” хөтөлбөрөөс их хэмжээний мөнгө завшсан хэргээр буруутгагдаад байгаа Л.Гансүх, Д.Даваахүү, Б.Мөнгөнтуяа нарт холбогдох хэргийн өнгөрсөн сард Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүхэд тав хоног хэлэлцсэн. Шүүхээс Л.Гансүхэд жирийн дэглэмтэй хорих ангид 4.6 жилийн хорих ял оноож, төрийн албанд ажиллах эрхийг нь дөрвөн жилээр хассан юм. Харин шүүгчдэгч Н.Даваахүү, Б.Мөнгөнтуяа нарыг тус бүр 19 сая 200 мянган төгрөгөөр торгох шийдвэр гаргасан. Түүнчлэн тэднээс нийт 2 тэрбум 539 сая 730 мянга 860 төгрөгийг хувь тэнцүүлэн гаргуулж, “Багануур” ТӨХК-д олгуулахаар шийдвэрлэсэн билээ.
Эрүүгийн байцаан шийтгэх хуульд шүүхээс шийтгэх, цагаатгах тогтоолыг шүүх хурал болсноос хойш полоо хоногийн дотор бичгээр үйлдэн дараагийн шатан шилжүүлэх ёстой байдаг бол Л.Гансүх нарт хамаарах тогтоолыг шүүх хурал болсноос 22 хоногийн дараа буюу өчигдөр өгсөн байна. Тэгвэл шүүхийн энэхүү тогтоолд шүүх хурал дээр хэлэлцээгүй зарим асуудлыг яллах үндэслэл болгон оруулсан байсан нь өмгөөлөгчдийг давж заалдахад хүргээд байгаа аж.
-
2015 оны 10 сарын 16
Нийслэлийн Орон сууцны корпорацийн талаар хэлэлцэнэ
-
2015 оны 10 сарын 16
Маргааш бүх нийтийн их цэвэрлэгээ болно
-
2015 оны 10 сарын 16
08:30 цагт: “Монголд үйлдвэрлэв аж үйлдвэрийн чуулган-2015” Шангри-Ла зочид буудлын Ёслолын танхимд болно.
-
2015 оны 10 сарын 16
“Дэлхийн хүнсний өдөр”-ийг жил бүрийн 10 дугаар сарын 16-нд буюу НҮБ-ын Хүнс, хөдөө аж ахуйн байгууллага үүсгэн байгуулагдсан өдөр дэлхий нийтээр тэмдэглэн өнгөрүүлдэг билээ.
-
2015 оны 10 сарын 16
43 шинэ бүтээн байгуулалтын санал иржээ
-
2015 оны 10 сарын 16
“Цэвэрхэн улаанбаатар” сэдвийн хүрээнд нийтийн их цэвэрлэгээ хийлээ
-
2015 оны 10 сарын 16
Тухайн өдөр могой, морь, хонь, бич, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр усан балин гаргах, газар лус тахих, эм найруулах, мод босгох, газрын үүд боох, тангаргаас няцах, зэтгэрийг дарах, балгадыг босгох, тариалан тарих, худалдаа хийх, дэлгэрүүлэх үйлд хичээх хийгээд зөвшилцөх, бататгах, сүм дуган, суврага босгох , мод, шорооны үйл хийх, эрэл эрэх, хураан цуглуулах бүхий л үйлд өлзийтэй сайн. Юу санасан хэрэг сэтгэлчлэн бүтнэ. Газар ухах, мод огтлох, цөөрөм, худаг малтах, байшингийн суурь тавих, өс дарах, угаал үйлдэх, залбирал тавих үйлд муу. Өвчин болбол машид сэрэмжлэн хянамгай бай. Замд гарвал тус хэрэг бүхэн бүтнэ. Нүд татвал эцэг, эхэд айхуй шалтгаан ирэх, баруун чих хангинавал бүсгүй хүмүүнтэй маргалдана. Зүүн чих хангинавал идээ ундаа олдоно. Нохой уливал гэнэтийн зочин ирнэ. Хэрээ дуугарвал дээд угсаат хүмүүний хэл ам ирэх. Тагнай ирвэгэнэвэл хэрүүл тэмцэл болно. Хөлийн мах татвал буянтай хэмээмүй. Үс шинээр үргээлгэх буюу засуулбал эд мал баялаг төгөлдөр болно. Өдрийн сайн цаг нь бар, туулай, могой, бич, нохой, гахай болой. Балжинням, Дашням давхацсан өдөр тул аливаа үйл бүхэн бүтэх сайн.
-
2015 оны 10 сарын 16
2015 оны 10 дугаар сарын 15-ны 20 цагаас 10 дугаар сарын 16-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Шөнөдөө үүлэрхэг. Нутгийн зүүн хэсгээр хур тунадас орно. Өдөртөө үүл багасна. Хур тунадас орохгүй. Салхи зүүн хойноос секундэд 5-10 метр, нутгийн өмнөд хэсгээр секундэд 12-14 метр хүртэл ширүүснэ. Хүйтэрч Баян-Өлгийн нутаг, Завханы хойд хэсгээр шөнөдөө 8-13 градус хүйтэн, өдөртөө 3 градус хүйтнээс 2 градус дулаан, Говь-Алтай, Баянхонгорын өмнөд хэсгээр шөнөдөө 1-6 градус, өдөртөө 8-13 градус дулаан, бусад нутгаар шөнөдөө 3-8 градус хүйтэн, өдөртөө 1-6 градус дулаан байна.
ТӨВИЙН АЙМГУУДЫН НУТГААР: Үүлэрхэг. Шөнөдөө ихэнх нутгаар, өдөртөө зарим газраар хур тунадас орно. Салхи зүүн хойноос секундэд 5-10 метр, зарим газраар секундэд 12-14 метр хүртэл ширүүсч шороон болон цасан шуурга шуурна. Хүйтэрч Хангай, Хөвсгөл, Хэнтэйн уулархаг нутгаар шөнөдөө 7-12 градус хүйтэн, өдөртөө 3 градус хүйтнээс 2 градус дулаан, бусад нутгаар шөнөдөө 0-5 градус хүйтэн, өдөртөө 1-6 градус дулаан байна.
ЗҮҮН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр, өдөртөө зарим газраар хур тунадас орно. Салхи баруун өмнөөс хойш эргэж секундэд 6-11 метр, зарим газраар түр зуур секундэд 16-18 метр хүртэл ширүүсч шороон шуурга шуурна. Нутгийн хойд хэсгээр шөнөдөө 0-5 градус хүйтэн, өдөртөө 1-6 градус, бусад нутгаар шөнөдөө 0-5 градус, өдөртөө 7-12 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөдөө хур тунадас орохгүй. Өдөртөө хур тунадас орно. Салхи баруун өмнөөс хойш эргэж секундэд 6-11 метр, өдөртөө түр зуур секундэд 16-18 метр хүртэл ширүүсч шороон болон цасан шуурга шуурна. Шөнөдөө 0-2 градус хүйтэн, өдөртөө 5-7 градус дулаан байна.
ГОВИЙН АЙМГУУДЫН НУТГААР: Солигдмол үүлтэй. Хур тунадас орохгүй. Салхи зүүн хойноос секундэд 6-11 метр, зарим газраар түр зуур секундэд 16-18 метр хүртэл ширүүсч шороон шуурга шуурна. Дундговийн нутгаар шөнөдөө 0-5 градус, өдөртөө 5-10 градус, бусад нутгаар шөнөдөө 4-9 градус, өдөртөө 14-19 градус дулаан байна.
УЛААНБААТАР ХОТ: Үүлшинэ. Хур тунадас орно. Салхи зүүн хойноос секундэд 5-10 метр, зарим үед түр зуур секундэд 16-18 метр хүртэл ширүүснэ. Шөнөдөө 0 градус орчим, өдөртөө хүйтэрч 3-5 градус дулаан байна.
-
2015 оны 10 сарын 15
Ирэх бямба гарагт энэ намрын анхны хишиг барилдаан болно
-
2015 оны 10 сарын 15
НИТХ-ын Тэргүүлэгчдийн ээлжит хуралдаан маргааш буюу 2015 оны 10 дугаар сарын 16-нд болно. Хуралдаанаар нийслэлийн Орон сууцны корпораци ОНӨААТҮГ-ын Төлөөлөн удирдах зөвлөлийн гишүүдийг томилох тухай, Сургуулийн орчинд эргүүл ажиллуулах журам батлах тухай, Иргэний зөвлөлийн гишүүдийг томилох тухай, МУ-ын Гавьяат зүтгэлтэн Г.Бирваагийн дурсгал хүндэтгэлийн самбар байршуулах тухай зэрэг асуудлыг хэлэлцэнэ.
Мөн НИТХ-ын ээлжит бус хуралдааныг зарлаж, ээлжит бус хуралдаанаар хэлэлцэх асуудлыг батлах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
- See more at: http://zasag.mn/m/ulaanbaatar/view/11173#sthash.T726jxKZ.dpuf
-
2015 оны 10 сарын 15
Энэ онд Самсунг электроникс Samsung Galaxy S6 edge, Galaxy S6 edge Plus, Gear S2, Galaxy Note 5, SleepSense гээд гайхалтай олон шинэ бүтээгдэхүүнүүдийг танилцуулаад байгаа билээ. Үүний үргэлжлэл болгож Wireless Audio 360 төслийн хүрээнд хөгжүүлсэн R5, R3, R1 модел бүхий гурван шинэ загварын аргамжаагүй өсгөгч /Wireless Speaker/-ийг танилцууллаа. Уг өсгөгч нь өөр дээрээ дууны тохиргоог хийх, удирдах зориулалттай мэдрэгч бүхий товчлууртайн зэрэгцээгээр утас, цаг, таблет зэрэг ухаалаг төхөөрөмжүүдээсээ өсгөгчөө удирдах боломжийг олгодог Multiroom аппликейшний хэрэглээг илүү боловсронгуй болгосноороо онцлог юм.
-
2015 оны 10 сарын 15
ХЗЯ-ны Бодлогын хэрэгжилтийн газрын дарга Э.Зоригт Хууль зүйн сайд асан Х.Тэмүүжинг хамаатан садандаа яамны нэрийн өмнөөс тушаал гаргуулж байр өгсөн хэмээн мэдээлсэн.
-
2015 оны 10 сарын 15
Хараагүй иргэдээ дэмжсэн түүхэн үйл явдал боллоо
Дэлхийн цагаан таягтны өдөр” буюу хараагүйчүүдийн эрхийг хамгаалах өдөр өнөөдөр тохиож байна.
Энэ өдрийг тохиолдуулан Боловсрол, соёл, шинжлэх ухааны яам, Монголын хараагүйчүүдийн үндэсний холбоо хөгжлийн бэрхшээлтэй суралцагчид боловсрол олгохтой холбоотой асуудалд хамтын ажиллагааг эхлүүлэх, хөгжлийн бэрхшээлтэй суралцагчийн сурч боловсрох эрхийг хангах, хөгжлийн бэрхшээлтэй суралцагчийн сургалтын орчинг сайжруулах, эрх зүйн орчинг боловсронгуй болгох зорилгоор өнөөдөр Харилцан ойлголцлын санамж бичиг байгуулж байна.
Уг санамж бичгийг Боловсрол, соёл, шинжлэх ухааны сайд Л.Гантөмөр, Монголын хараагүйчүүдийн үндэсний холбооны ерөнхийлөгч Д.Гэрэл, “Хөгжлийн бэрхшээлтэй иргэдийн боловсрол, хөгжил мэдээллийн технологийн төв”-ийн тэргүүн М.Баясгалан гарын үсэг зурж баталгаажууллаа.
Энэ үеэр БСШУ-ны сайд Л.Гантөмөр “Боловсрол, соёл, шинжлэх ухааны сайдын дэргэд хараагүй оюутан, суралцагчийн эрх ашгийг хамгаалах, тэдэнд дэмжлэг туслалцаа үзүүлэх, бодлого, төлөвлөлт, хэрэгжилтийг уялдуулан зохицуулах үүрэг бүхий орон тооны бус Зөвлөл байгуулагдаж байна” гэдгийг дуулгасан юм. Энэ үйл явдлыг “Хараагүй иргэдээ дэмжсэн түүхэн үйл явдал боллоо” хэмээн “Хөгжлийн бэрхшээлтэй иргэдийн боловсрол, хөгжил мэдээллийн технологийн төв”-ийн тэргүүн М.Баясгалан онцолсон юм.
Санамж бичгийг 2015 оны 10 дугаар сарын 15-ны өдрөөс 5 жилийн хугацаатай байгуулж байна. Санамж бичгийн хүрээнд:
Тусгай хэрэгцээт боловсролын тухай хуулийн төсөл, төслийн танилцуулга, үзэл баримтлал боловсруулна.
Боловсрол, соёл, шинжлэх ухааны сайдын дэргэд хараагүй оюутан, суралцагчийн эрх ашгийг хамгаалах, тэдэнд дэмжлэг туслалцаа үзүүлэх, бодлого, төлөвлөлт, хэрэгжилтийг уялдуулан зохицуулах үүрэг бүхий орон тооны бус Зөвлөл байгуулж ажиллуулна.
Яамнаас тусгай сургуулиудын сургалтын орчинг сайжруулах, сургалтын үйл ажиллагааны хэвийн тогтвортой байдлыг ханган, эдгээр сургуулиудын харьяалалын асуудлыг шийдвэрлэнэ.
Брайл бичгийн стандартыг боловсруулж батлуулна.
Харааны бэрхшээлтэй суралцагчийн сурах бичгийг үе шаттай брайл, томруулсан үсгээр хослуулан хэвлүүлэх ажлыг хууль тогтоомжийн хүрээнд зохион байгуулна.
Онлайн ярьдаг номын сангийн /www.talkingbooklibrary.mn/ веб сайтыг хөгжүүлэх, Windows , IOS , Android үйлдлийн системүүд дээр ажиллах программ хангамжуудыг зохион бүтээх, Онлайн ярьдаг номын сангийн /www.talkingbooklibrary.mn/ номын фондыг 82 нэр төрлийн номоор нэмэгдүүлнэ.
Цэцэрлэг, сургуульд шаардлагатай сургалтын хэрэглэгдэхүүн, техник тоног төхөөрөмжийг олгох зэрэг ажлыг үе шаттай зохион байгуулах юм.
-
2015 оны 10 сарын 15
ШӨХТГ-аас өнөөдөр хорт хавдар үүсгэх гол шалтгааны нэг болсон усны сав худалдаалдаг газруудаар явж танилцав.
-
2015 оны 10 сарын 15
https://www.facebook.com/batulzii.osor
-
2015 оны 10 сарын 15
НИТХ дахь МАН-ын бүлгээс Хотын дарга Э.Бат-Үүлийг огцруулах хүсэлтийг өчигдөр НИТХ-ын дарга Д.Баттулгад өргөн мэдүүлсэн билээ.
-
2015 оны 10 сарын 15
БОНХАЖЯ-ны Тусгай хамгаалалттай нутгийн удирдлагын газар, НҮБХХ-ийн “Тусгай хамгаалалттай газар нутгийн сүлжээг бэхжүүлэх нь” төсөл, Германы сэргээн босголтын банкны “Биологийн олон янз байдлыг хамгаалах, уур амьсгалын өөрчлөлтөд дасан зохицох” төслүүд хамтран “Тусгай Хамгаалалттай Газар Нутгийн Үндэсний Чуулган”-ыг дөрөв дэх удаагаа “Тусгай хамгаалалттай газар нутаг - Олон улсын болон Монгол Улсын төрийн бодлого” сэдвийн хүрээнд зохион байгуулж байна.
Чуулганы зорилго: Тусгай хамгаалалттай газар нутгийн талаарх төрийн бодлого, хөтөлбөр, олон улсын конвенцийг хэрэгжүүлэхэд салбарын оруулж буй хувь нэмрийг үнэлэх, түүний хамгаалалтын менежментийг сайжруулахад олон улсын хамтын ажиллагааг хөгжүүлэх зорилтыг тодорхойлоход оршино.
Чуулган 2 өдөр үргэлжлэх ба нэгдсэн хуралдаан, хэлэлцүүлэг гэсэн 2 хэсгээс бүрдэнэ.
Нэгдсэн хуралдаанаар оролцогчид илтгэж тавьж туршлага хуваалцах бол, хэлэлцүүлгийн үеэр Тусгай хамгаалалттай газар нутгийн үндэсний хөтөлбөрийн нэмэлт, өөрчлөлтийн төсөл болон тусгай хамгаалалттай газар нутгийн менежментийн үр ашгийг дээшлүүлэх талаар олон улсын болон бүс нутгийн түвшинд хамтын ажиллагааг өргөжүүлэх сэдвийн хүрээнд харилцан санал солилцох юм.
Уг чуулганаас дараах үр дүн гарахаар хүлээгдэж байна. Үүнд:
1. Чуулганд оролцогчид Монгол орны тусгай хамгаалалттай газар нутгийн талаар Дэлхийн тогтвортой хөгжлийн зорилтууд, Ногоон хөгжлийн бодлого, Тусгай хамгаалалттай газар нутгийн үндэсний хөтөлбөр болон “Тусгай хамгаалалттай газар нутгийн тухай” хуулийн төсөлд хэрхэн тодорхойлсон талаар нэгдсэн мэдээлэл, ойлголттой болсон байна.
2. Дээрх бодлого, хөтөлбөрийн хэрэгжүүлэхэд холбогдох талуудын оролцоо, авч хэрэгжүүлэх арга хэмжээг зөвшилцөн тохирсон байна.
3. Тусгай хамгаалалттай газар нутгийн менежментийн үр ашгийг дээшлүүлэх талаар олон улсын болон бүс нутгийн түвшинд хамтын ажиллагааг өргөжүүлэх чиглэл тодорхойлогдсон байна.
Чуулганыг УИХ-ын гишүүн, Засгийн газрын гишүүн, БОНХАЖ-ын сайд ноён Н.Батцэрэг нээж үг хэлсэн бөгөөд салбарынхандаа цаашид хийх болон хийж буй ажлынхаа талаар санал бодлоо хуваалцлаа.
БОНХАЖ-ын сайд Н.Батцэрэг: Монгол Улсын нийт газар нутгийн 17.4 хувийг тусгай хамгаалалттай газар нутаг эзэлж байгаа бөгөөд бид 30 хувь хүргэх зорилго, зорилт тавин ажиллаж байна.
Энэ нь Төв Азийн экологийн тэнцвэрт байдлыг хадгалахад чухал нөлөөтэй. Мөн бид тусгай хамгаалалттай газрынхаа тоог нэмэгдүүлэх асуудлаар Засгийн газарт 4 газрын нэр оруулахаар бэлтгэж байна.
Байгаль хамгаалагчдын орон тоо, унаа машин, багаж хэрэгсэл гээд ажиллах орчин нөхцөл, нийгмийн асуудлыг шийдвэрлэх олон асуудал байна.
Байгалийн болон хүний хүчин зүйлсийн нөлөөгөөр байгаль орчин хэдийгээр доройтож байгаа ч цаг уур, орчны өөрчлөлтөд дасан зохицох шаардлага бий болсон тул бид олон улсаас хөрөнгө босгох асуудалд онцгой анхаарч байна.
БОНХАЖЯ-ны Төрийн нарийн бичгийн дарга Ц.Цэнгэл:
Бид Тусгай хамгаалалттай газар нутгийн хэмжээг нэмэгдүүлэх, уг газарт аялал жуулчлалын бүс бий болгох, ингэхдээ биологи, амьтан, ургамлын төрөл зүйлийг авч үлдэх, зохистой ашиглах, нөхөн сэргээх, иргэдийн амьжиргааг дэмжих, шинжлэх ухааны суурь судалгааг сайн хийх хэрэгтэй байна гэлээ.
Мөн ирэх оны 7 дугаар сард БНЧехУ-аас манай улсад 4 тахийг тээвэрлэн нутагшуулна. Эдгээр тахийг НҮБ-ийн энхийг сахиулагчдын онгоцоор Хустайн нуруунд тээвэрлэн авчрах бөгөөд уг онгоцоор Хустайн нуруунд нутагшиж буй 4 тахийг говийн дархан цаазат “Б” хэсэгт нутагшуулах ажлыг зохион байгуулна. Энэ ажлын хүрээнд манай 4 мэргэжилтэнг БНЧехУ-ын холбогдох албаны хүмүүс тээвэрлэлтийн чиглэлээр сургахаар боллоо.
Чуулганд УИХ-ын БОХХААБХ, ЭЗБХ-ны гишүүд, холбогдох яамд, гадаад улсын элчин сайдын яамд, ОУ-ын байгууллагууд, ЮНЕСКО-гийн Монголын үндэсний комисс, Хил дамнасан тусгай хамгаалалттай газар нутгийн төлөөлөл, Хамгаалалтын захиргаад, аймгийн БОАЖГ, Орчны бүсийн менежментийн зөвлөл, ТББ, хувийн хэвшил, судлаачдын төлөөллийн гээд нийт 280 гаруй зочид төлөөлөгчид оролцлоо.
ЯлангуяаОХУ-ын Онон балжийн БЦГ-тай хиллэдэг Сохондын шим мандлын нөөц газар, Хөвсгөл нуурын БЦГ-тай хиллэдэг Тункены БЦГ, Сийлхэмийн БЦГ-тай хиллэдэг Салюгемын БЦГ, Монгол Дагуурын ДЦГ-тай хиллэдэг Даурский ДЦГ болон Мөнххайрханы БЦГ-тай хиллэдэг БНХАУ-ын Шинжан Уйгарын өөртөө засах орны Алтай аймгийн ТХГН-ын төлөөлөл, БНЧехУ-ын Прагийн амьтаны хүрээлэнгээс захирал оролцож байна.
-
2015 оны 10 сарын 15
Онцгой байдлын ерөнхий газар, Швейцарийн хөгжлийн агентлаг, Тогтвортой бичил уурхай төслөөс хамтран “Хүний эрхэд суурилсан уул уурхайн аврах ажиллагаа” сэдэвт сургалт болж байна.
Онцгой байдлын албаны алба хаагчдад бичил уурхайчдын үйл ажиллагаа, түүнийг тойрсон хүний эрх болон жендерийн тэгш байдал, тэдэнд тохиолддог аюул, осол, уул уурхайн аврах ажиллагааны талаархи мэдлэгийг дээшлүүлэх, үйл ажиллагаандаа хүний эрхийн зарчмыг баримтлан ажиллах хандлагыг бий болгох, хүний эрхэд суурилсан төрийн үйлчилгээг бичил уурхайчдад хүргэх чадавхийг бэхжүүлэхэд сургалтын зорилго оршиж байна.
Сургалтад төв, орон нутгийн Онцгой байдлын газар, анги, байгууллагын сургалт сурталчилгаа, урьдчилан сэргийлэх асуудал хариуцсан мэргэжилтнүүд, Уул уурхайн ангийн албан хаагчид хамрагдаж байгаа юм. “Хүний эрхэд суурилсан уул уурхайн аврах ажиллагаа” сэдэвт сургалт 2015 оны 10 дугаар сарын 14-18-ны өдрүүдэд үргэлжилнэ.
