Хан-Уул дүүргийн XV хороо Рапид харш хорооллын 25 дугаар байрны лифт унажээ. Өчигдөр 21 цагийн орчимд унасан лифтэнд нэг эмэгтэй дөрвөн настай охинтойгоо зорчиж байсан байна. Тэднийг долоон давхарт явахад нь гэнэт тог тасарч лифт доош унажээ.

Лифтэнд сууж явсан тус байрны оршин суугч " Манайх 12 давхарт байдаг. Бид B1 давхарын гражнаас лифтэнд суусан. Долдугаар давхарт явж байхад гэнэт тог тасарч лифт доош унасан. Доошлохдоо хурд нь удааширч буцаад В1 давхарт ирж лифтны хаалга онгойсон. Тэнд СӨХ-ны хүмүүс ирчихсэн "Бид цахилгаан салгах шаардлага гараад, лифтийг зогсоолоо” гээд хэнэг ч үгүй зогсч байсан. Намайг охинтойгоо лифтэнд суухад тэд зогсч байсан.

Биднийг лифтэнд сууж байхын харсаар байж ийм хариуцлагагүй байж болохгүй. Та нар яагаад хүн лифтээр зорчиж байхад цахилгаан таслаж лифт унагааж байгаа юм гэсэн чинь "Чамд хамаагүй, бид ажлаа мэдэж байна. Зайл” гэж салаавч хүртэл өгсөн. Сая гэртээ орж ирээд тайвширч чадахгүй сууж байна. Охины маань царай цонхийгоод одоо хүртэл шокноос гарч чадахгүй байна” гэсэн юм.

Тус хорооллыг Сангийн сайд Б.Чойжилсүрэнгийн "Хурд групп” барьсан билээ. Хэдэн жилийн өмнө хөрөнгө орлогын мэдүүлгээрээ хамгийн их орлоготой гишүүнээр  Сангийн сайд Б.Чойжилсүрэн тодорч байлаа. Зургаан тэрбум 27 сая 651 мянган төгрөгөөр "аман хүзүүдэж" байсан түүний хөрөнгө өдгөө арвижсан уу гэхээс хорогдоогүй. УИХ-ын гишүүний ажил гэхээсээ илүүтэйгээр барилгын компанийнхаа ажилдаа л анхаардаг, хууль санаачилж батлуулахаас илүү бус харин хууль бусаар олж авсан газруудаа хамгаалахын тулд УИХ-д сууж байгаа хэмээн олон хүн ярьдаг билээ.