“Аваргуудын лиг”-ийн хагас шигшээд учраа таарсан Испаний “Барселона” Английн “Челси” багуудын хариу тоглолт өчигдөр шөнө Барселон хотноо болж өнгөрлөө. Английн баг Барсаг талбай дээрээ 1:0-ээр буулган авч чухал ялалтыг байгуулаад байсан юм. Эхний тоглолтод хожигдсон Барсагийнхан талбай дээрээ “Челси”-г 2:0-ээр хожиж байж финалд шалгарах байсан юм.

   “Аваргуудын лиг”-ийн хагас шигшээд учраа таарсан Испаний “Барселона” Английн “Челси” багуудын хариу тоглолт өчигдөр шөнө Барселон хотноо болж өнгөрлөө. Английн баг Барсаг талбай дээрээ 1:0-ээр буулган авч чухал ялалтыг байгуулаад байсан юм. Эхний тоглолтод хожигдсон Барсагийнхан талбай дээрээ “Челси”-г 2:0-ээр хожиж байж финалд шалгарах байсан юм. Гэтэл Челси Барсагийн энэ мөрөөдлийг үгйү хийлээ. Тоглолт 2:2 гэсэн үр дүнгээр өндөрлөсөн бөгөөд нийлбэр дүнгээр “Челси” 3:2-оор финалд шалгарлаа. Тоглолтын эхнээс довтолж тоглосон “Барселона”-гийн залуус 35 дахь минутанд Бүскүэтсийн гоолоор тоог 1:0 болгосон ба үүний дараахан “Челси”-ийн ахлагч Жон Терри Алекс Санчес дээр алдаа гарган улаан хуудас авснаар багаа хүнд байдалд оруулсан юм. Улмаар “Барселона”-гийн довтолгоо ширүүсч 43 дахь минутанд Мессигийн дамжуулалтаар Иньеста гоол оруулан 2:0 болгон, хүсч байсан үр дүндээ хүрсэн. Гэвч тэдний давамгай байдал удаан үргэлжлээгүй ба 45+1 минутанд Рамирес сөрөг довтолгооноор хөнгөхөн гоолдож нийт онооны харьцааг 2:2 болгосон.
   2-р үе эхлээд мөн л Барсагийн довтолгоо үргэлжилсэн бөгөөд 48 дахь минутанд Дрогба Мессиг торгуулын талбайд унагаснаар Месси пенальти гүйцэтгэх эрхтэй болов. Харамсалтай нь дэлхийн шилдэг хөл бөмбөгчин маань торгуулийн цохилтоо алдаж хэний ч санаанд оромгүй зүйл болсон. Үүнээс хойш Барса довтолсоор “Челси” хамгаалсаар тоглолтын 90 дэх минуттай золгосон юм. Харин тоглолтын эцсийн цэгийг 80 дахь минутанд сэлгээгээр орж ирсэн “Алтан жаал” Фернандо Торрес 90+2 минутанд гоолдсоноор “Барселона”-г үгүй хийв. Гайхалтай тоглолт болж өнгөрөв. “UEFA”-гаас тоглолтын шилдэг тоглогчоор Английн шигшээ баг, “Челси” клубын тоглогч Эшли Коулыг шалгаруулсан юм.