МАХН-МҮАН-ын "Шударга ёс" эвслийн бүлгээс томилогдсон Шадар сайд Ц.Оюунбаатар өөрийн зөвлөхөөр албан тушаалаа урвуулан ашиглаж, улсад онц их хэмжээний хохирол учруулсан хэргээр ял эдэлж байгаад суллагдсан генерал П.Дашийг томилжээ.

Генерал П.Даш нь ОБЕГ-ын даргаар ажиллаж байхдаа бусадтай бүлэглэн улсын нөөцөөс их хэмжээний мөнгө завшсан хэмээн  гурван шатны шүүхээс 3.6 жилийн хорих ял сонссон юм. Тэрбээр ял эдэлж байгаад өнгөрсөн оны арванхоёрдугаар сард суллагдсан билээ.

Харин Ц.Оюунбаатар сайдын энэхүү томилгоо нь хууль зөрчсөн үйлдэл болж байгаа бололтой. Учир нь АТГ-аас генерал П.Дашийг томилж болохгүй, ашиг сонирхлын зөрчил үүснэ гэсэн утгатай албан бичиг хүргүүлсэн талаар эх сурвалж мэдээлж байна. Гэвч Шадар сайд Ц.Оюунбаатар АТГ-ын албан бичгийг үл тоон ийнхүү шадар сайдын ажлын албаны ахлах зөвлөхөөрөө генерал П.Дашийг томилоод байна.

Т.Сар