Төсвийн байнгын хорооны дарга Б.Болор Сангийн сайд болсонтой холбоотойгоор орных нь хүнийг томилох асуудлыг АН-ын бүлэг өчигдрийн хуралдаанаараа хэлэлцэв. Ингээд тус бүлэг Төсвийн байнгын хорооны даргаар заавал АН дотроосоо бус МАХН-МҮАН-ын “Шударга ёс” эвслийн бүлгээс сонгох нь зөв гэдэг саналд нэгдсэн байна.
Ингэснээр “Шударга ёс” эвслийнхэн Төсвийн байнгын хороог даргалахаар болж байна.
АН-ын гишүүдийн хувьд удахгүй Төсвийн тодотголыг хэлэлцэх гэж байгаа учир Төсвийн байнгын хороог туршлагатай нэгнээр удирдуулах ёстой гэж ярилцжээ. Тиймээс Төсвийн байнгын хорооны дарга нь Ч.Улаан болох магадлал өндөр байгаа аж. Түүний хувьд гурван ч удаа Сангийн сайдаар ажилласан мөн Төсвийн байнгын хорооны даргаар ажиллаж байсан туршлагатай. “Шударга ёс” эвслийн бүлэг өнөөдөр Төсвийн байнгын хорооны даргад нэр дэвшигчийг танилцуулах юм байна.
Т.Энхэлээ
Сэтгэгдэл (2)