Засгийн газрын өчигдрийн хуралдаанаар хэлэлцсэн асуудлуудын талаар Ерөнхий сайдын зөвлөх Ц.Мөнхтөр мэдээлэл хийлээ. Тэрээр өнөөдөр мэдээлэл хийхдээ дэд сайд нарыг томилохгүй гэж мэдэгдлээ.

Учир нь Засгийн газрын яамдуудад долоон дэд сайдын суудал эзгүй байгаа юм. Тус суудалд томилох дэд сайдуудын нэрс тодорсон ч ирэх онд дэд сайдгүй явах зарчим баримтлахаа Сангийн сайд мэдэгдсэн. Ерөнхий сайдын зөвлөх Ц.Мөнхтөр энэ талаар “Дэд сайдгүй байна гэсэн зарчим барьж байгаа. Үүнийг УИХ дахь бүлгүүд  дэмжсэн. Тийм учраас нэмж шинээр дэд сайдуудыг томилохгүй. 2016 оноос дэд сайдгүй байх төсөл явж байгаа. Хэрвээ дэмжигдвэл одоо үүргээ гүйцэтгэж байгаа дэд сайдууд 2015 он дуусахад чөлөөлөгдөнө гэсэн үг” гэлээ.