УИХ-ын намрын чуулганаар нэн сонирхолтой хуулийн төслийг хэлэлцэж магадгүй болоод байна. Эх сурвалжийн мэдээлж байгаагаар МАХН-ынхан Их Хуралд сонгуулийн хугацааг хойшлуулах тухай хуулийн төслийг өргөн барихаар бэлтгэж байгаа аж. Тодруулбал, сонгууль дөрвөн жил тутамд зургаадугаар сард болдог байсныг өөрчилж 10 дугаар сарын 20-нд зохион байгуулж байхаар уг хуулийн төсөлдөө тусгажээ. Эх сурвалжийн мэдээлснээр уг асуудал МАХН-ын түвшинд ерөнхийдөө шийдэгдсэн, одоо зөвхөн өргөн барих ажил л үлдсэн байна.
Харин хуулийн төслөө хэзээ УИХ-д өргөн барих нь тодорхой бус байгаа юм. 70 жилийн өмнө 1945 оны 10 дугаар сарын 20-ны өдөр тусгаар тогтнолоо зарлаж анхын сонгуулиа өгч байжээ. Тиймээс энэ өдрийг сонгон авсан гэнэ. Дашрамд дурдахад ирэх жил сонгуультай залгаад АСЕМ-ын дээд түвшиний уулзалт Улаанбаатар хотод болно. Үүнтэй холбогдуулан сонгууль болох өдрийн товыг өөрчлөх үү гэсэн яриа битүүхэн гарч байгаа нь үнэн. Хэрвээ энэ хуулийн төслийг УИХ дэмжвэл ирэх жилийн сонгууль намар болж магадгүй бололтой.
Сэтгэгдэл (10)