Өнөөдөр Египетийн ерөнхийлөгч асан Хосни Мубаракийг шүүх хурал болж, түүнд насаар нь хорих ял оноолоо. Биеийн байдал нь муу гэсэн шалтгаанаар 10-р сараас хойш дахин дахин хойшлуулж байсан шүүх хурлын үр дүн тус улсын ирээдүйг тодорхойлно гэж ажиглагчид үзэж байсан. Тэрбээр өнгөрсөн 12-р сард Засгийн газраа эсэргүүцэн боссон 840 гаруй хүний аминд хүрсэн гэж буруутгагдсан. Мөн 6000 гаруй хүн цэргүүдийн гарт бэртэж, гэмтсэн юм. Шүүх хурлын гадаа Х.Мубаракийг эсэргүүцэгчид жагсаж байгаа бол хурлын танхимд 84 настай Египетийн экс ерөнхийлөгчийг дэмжигчид шүүхийн шийдвэрийг эсэргүүцэн үймээн үүсгэжээ. Харин түүний хоёр хүү болох Гамал, Ала нарын авлигалын хэргийг тусад нь шалгахаар болсон аж. Ямартаа ч Египетийн цагдаа нар Кайр хотод өндөржүүлсэн бэлэн байдалд ажиллаж байна.