Үнэр бол хүнийг илэрхийлэх бас нэгэн онцлог. Хэрвээ чиний сонгосон үнэртэн, чиний залууд таалагдахгүй бол үүргээ биелүүлж чадахгүй байгаагаас өөрцгүй. Өөрийн дур булаам сайхан үнэрээр таалагддаг залуугийнхаа “судсыг” цохилуулж өөртөө татахыг хүсэхгүй байна гэж үү? 1. “Цэвэрхэн” үнэр. Эрчүүд чиний натурал, ялангуяа дөнгөж шүршүүрээс гарч ирсний дараах үнэрт дуртай. Ургамал, цэцгийн үнэр эрчүүдэд илүү өөриймсөг, дотно санагддаг. Эрчүүдийн дуртай, “цэвэрхэн” үнэртэнд Dolce&Gabbana-гийн “Light Blue”, CK-ийн CKOne болон “цэвэрхэн” үнэрийн арай “тачаангуй” хэлбэр болох Кристиан Диорын “J’adore” багтдаг аж.
2. Цитрусын мод. Үүнд лемон, жүрж зэрэг зөөлөн жимсгэний үнэрүүд багтана. Ийм төрлийн үнэртэнгүүд жинхэнэ эрчүүдийн “толгойг эргүүлэгч” л гэсэн үг. Жимсний зөөлөн сүрчигнүүд эрчүүдэд тухайн эмэгтэйг ямар зөөлөн, уян налархай болохыг мэдрүүлдэг учраас тэд ийм төрлийн үнэрт татагддаг. Жишээ нь Escada-гийн Moon Sparkle, Hermes-ийн Un Jardin Apres La Mousson, DKNY-Be Delicious зэрэг жимсний үнэртэй уснууд эрчүүдийг дур булаам эелдэг байдлаар татахад их тус болно шүү.
3. Чихэр. Үнэрлэхийн төдийд “секс аппетит” хөдөлгөж, идчихмээр сэтгэгдэл төрүүлэх чихэр, шоколадны үнэртэй уснууд эрчүүдэд таалагддаг. Мөн эрч хүчтэй, сахилагагүй бүсгүй таны онцлогийг ч илтгэнэ. Бүйлс самар, гүзээлзгэнэ, зөгийн бал, шоколадны үнэртэнгүүд эрчүүдэд дэргэд чинь наалдаад л баймаар сэтгэгдэл төрүүлнэ гэж мэд. Иймэрхүү “хөгжилтэй” үнэртнүүдийн найрлаганд хөвөн чихэр, ванилла болон бөөрөлзгөнө орсон байдаг. Амттаны үнэртэй сүрчигний нэр мэдэх үү? Бусадтайгаа сэтгэгдлээр хуваалцаарай.
4. Дорнын үнэр. Баялаг, өтгөн үнэртэнгүүд эрчүүдийг галзууруулах шахна. Гэхдээ иймэрхүү үнэртэнгүүд хэтэрхий хүчтэй байх талтай байдаг тул болгоомжтой сонгох хэрэгтэй. Victoria’s Secret ийн Very sexy, Miss dior Miss L’ean, Anna Sui гийн өвөрмөц уснууд хамгийн тохиромжтой нь. Ерөнхийдөө иймэрхүү төрлийн усны найрлаганд чинжүү, кактусны цэцэг, бөөрөлзгөнө, ваниль орсон байдаг. Тэгэхээр хүчтэй ус сонгохыг хүсвэл найрлаганд нь эдгээрийг орсон байгааг шалгахад л хангалттай.
