УИХ-ын чуулганаар Өршөөлийн хуулийг хэлэлцэж байна. Хэлэлцэж буй асуудалтай холбогдуулан УИХ-ын гишүүд асуулт асууж, үг хэлж байна.

Тодруулбал, УИХ-ын гишүүн Х.Тэмүүжин "Бид энэ Өршөөлийн хуулийг баталсан. Батлахдаа нэг алдаа гаргасан. Ард иргэдийн мөнгийг авлигалдаж авсан хүмүүсийг өршөөнө гэсэн нь буруу. Зун гарсан Өршөөлийн хуулиар суллагдчихна гэж хүлээсэн иргэд олон бий. Баялаг бүтээгчдээ энэ гох дэгээнээс гаргах гэж байгаа гэдгээ мартаж болохгүй. Одоо Хууль зүйн байнгын хороо хуралдаад оруулаад ирэх ёстой. Өнөөдөртөө багтааж хуулиа гаргах ёстой.

УИХ-ын гишүүн Ё.Отгонбаяр "76-г хамруулахгүй гэдэг юу гэсэн үг вэ, өршөөнө гэж дотроо шийдчихээд энэ 76-д хамаагүй гэж будилуулах хэрэггүй. Авлига албан тушаал хамруулахгүй гээд шийдчихэд л болно. Асуудал дуусна. Дахиж байнгын хороо хуралдуулж будилаантуулах хэрэггүй. Албан тушаалын гэмт хэрэгтнүүд байгаа, тэр өршөөлд хамрагдахаар болчихвол яах вэ" гэлээ.

УИХ-ын гишүүн З.Баянсэлэнгэ "Энэ хуультай холбоотой 2 УИХ гишүүн, 18 төрийн албан хаагч, 22 цагдаа, 46 аж ахуйн нэгжтэй холбоотой асуудал гарч ирсэн. Ерөнхийлөгчийн хориг хүний эрхийг дордуулсан, дээрдүүлсэн хоёр талтай хориг орж ирсэн. Дээрдүүлсэн зүйлийг нь бид Хуульзүйн байнгын хороон дээр хэлэлцээд дэмжсэн. Дордуулсан хуулийг хүлээж аваагүй. Ялгаварлах асуудлыг энд яримаар байна. ҮХЦ саяхан Сонгуульд нэр дэвшигчдийг ялгаварлаж болохгүй гэсэн. Харин энэ хууль ялгаварласан хууль боллоо.  Би УИХ-ын гишүүн Ё.Отгонбаярыг нэр цохож хэлмээр байна. Жинхэнэ бөгс долоож явчихаад ямар чанга дуугарч байна аа. Бид таныг ч гэсэн үүнд хамааруулна гэж бодож явсан. Таны асуудлыг 2016 онд дахин босгож шалгуулна. Энэ өршөөлийн хууль 8000 хүнд хамааралтай болохоос биш танд хамааралтай.  Зөвхөн өөрийнхөө төлөө явж байна. Өөрийнхөө төлөө жинхэнэ бөгс долоож явж байна. Хүнийг худалддаг" гэв.

УИХ-ын гишүүн Н.Алтанхуяг "Энэ хуулийг хэлэлцэж гаргах ёстой юм. Гэхдээ иргэдийг мөн өршөөв өө. УИХ шийдвэр гаргаж чадахаа байсан юм байна. Хүний эрх Монголд ноцтой зөрчигдөж байна. Хүний эрх зөрчигдөж буй энэ асуудал нь ганцхан муу хүн гарч ирээд бий болгочихоогүй. Тогтолцоо нь буруу. Тэгээд буруу тогтолцоог засъя гээд хууль боловсруулаад оруулаад ирэхээр УИХ-ын дарга нь  хасчихдаг. Тэр миний хууль биш. Эрхээ хасуулж байгаа, авлигач гэж гүтгүүлж байгаа хүмүүсийн төлөө тэр хуулийг боловсруулсан юм. Оронд нь Гацууртын ордын асуудлыг хэлэлцэх гээд оруулаад ирж. Алтанд тийм дуртай болчихсон юм уу. Хүний эрхийн асуудлаа ярилцъя л даа. Баялаг бүтээгчдийг авлигач гэдэг уут руу бүгдийг нь хийж байна" гэв.

Ц.Оюунбаатар: "Улс төрчид биенээсээ өшөө авдаг зүйлийг өршөөлийн хуулиар засах гээд оруулж ирсэн. Түүнээс биш үүнийг ганц хоёр хүнд зориулж оруулж ирээгүй" гэлээ.

Т.Хулан