Өнгөрсөн дөрөвдүгээр сард УИХ-ын гишүүн Г.Уянга Ерөнхий сайд асан С.Баярын АНУ-д худалдаж авсан орон сууцуудын талаарх мэдээллийг олон нийтэд ил болгосон билээ. Тэрээр “golomt.org сайтаас энэ мэдээллийг олон нийтэд ил болгоосой гэж надад явуулсан байх. Надаас гадна улс төр судлаач н.Ганхуяг зэрэг олон хүнд энэ мэдээллийг явуулсан байна. Энэ мэдээлэл Оюутолгойн гэрээтэй холбоотой байж болзошгүй гэж үзэж байгаа учраас олон нийтэд мэдээллээ” гэсэн байдаг.

Харин С.Баяр АНУ-д өөрийн анхны эхнэр болон охидынхоо нэр дээр өндөр зэрэглэлийн долоон орон сууц худалдан авч, түүнийгээ хэсэг хугацааны дараа эргүүлэн зарсан, түүнчлэн бэлэглэлийн гэрээний дагуу орон сууц бэлэглэж хууль бус мөнгө угаасан хэмээн мэдэгдэж АТГ-т өөрийн хүсэлтээр шалгуулна гэж мэдэгдсэн. Гэвч АТГ-т очсон гэх энэ асуудал өдгөө нам жим байгаа.

Тэгвэл УИХ-ын өчигдрийн чуулганаар УИХ-ын гишүүн Г.Уянга "АТГ-ынхан хэн бэ гэдгээ харуулаад байгаа, АТГ-ынхан С.Баярын асуудлыг ямар үндэслэлээр, яагаад больсон гэдгээ бичгээр өгөөрэй” хэмээн хатуухан хэлэв.

Тиймээс иргэдийн зүгээс ч АТГ-ыг хариу тайлбар, үндэслэлийг харах хүлээлттэй болж үлдлээ.

Д.Дуулим