УИХ-ын чуулганы хуралдаанд Ерөнхий сайд оролцож гишүүдийн асуултад хариуллаа.

Энэ үеэр УИХ-ын гишүүн С.Оюун: Утааг зөнд нь орхилгүй ажиллах шаардлагатай байна. Энэ тал дээр юу гэж үзэж байна вэ?

Ерөнхий сайд Ч.Сайханбилэг: Энэ жилийн төсөвт агаарын бохирдолд 5 орчим тэрбум төгрөг тусгасан. Агаарын бохирдлын үндэсний хороо цаг хугацаандаа хуралдаад явж байна. Хийн хэрэглээнд шилжүүлэх, орон сууцжуулах гэсэн хоёр зорилтыг тавьж ажиллаж байна. Энэ хоёр ажил 1-2 жилд хэрэгжинэ гэж байхгүй. Урьд жилүүдэд дулаалга тараах, станц байршуулах, утаагүй зуух тараах ажлыг хийж байсан. Энэ жил 3 ажил хийнэ. Нэгдүгээрт, хийн үйлдвэрийн ажлыг үргэлжлүүлнэ. Мөн шахмал түлшний үйлдвэрүүдийн үйл ажиллагааг анхааралдаа аваад ажиллаж байна. Гуравдугаарт, шөнийн цагийн тарифыг дахин 50 хувь буурахаар ажлаа чиглүүлээд байна.

Т.Энхэлээ