Эрүүл мэнд спортын сайд Г.Шийлэгдамбыг арваннэгдүгээр сарын 4-нд Авлигатай тэмцэх газраас баривчлан саатуулан хорих 461-р ангид хорьж байна.  Тэгвэл түүний биеийн байдал муудсан талаар өмгөөлөгч нь хэлж байна. Тиймээс батлан даалтад гаргаж, биеийг нь эмчлүүлэх хүсэлтийг гаргасан ч хүлээн аваагүй аж.

Г.Шийлэгдамбыг их хэмжээний авлига авч байгаад үйлдэл дээрээ баригдсан хэмээн Эрүүгийн хуулийн тусгай ангийн 268-д зааснаар хэрэг үүсгэн шалгаж байгаа юм.

Тэрбээр ажлаасаа чөлөөлөгдөх хүсэлтээ Ч.Сайханбилэгт хандан тавьсан ч орных нь хүнийг одоог хүртэл томилоогүй байгаа юм. Энэ нь АН, МАХН хоёр Эрүүл, мэндийн яаманд өөрсдийн хүнийг  тавихаар булаацалдаж буйтай ч холбоотой байж мэдэх юм.