Ардчилсан намын Гүйцэтгэх зөвлөл өчигдөр өдөржин хуралдаж хэд, хэдэн асуудлыг хэлэлцжээ. Тус намын хэвлэл, мэдээлэл олон нийттэй харилцах харилцах хэлтсийн мэдээлснээр бол тус хуралдаанаар Ардчилсан намд бусад намууд нэгдэх асуудлыг хэрхэн зохицуулах асуудлыг хэлэлцэж зөвлөлдсөн байна. Тодруулбал, Ардчилсан намд бусад намууд нэгдвэл тэдгээр намын төлөөллийг Ардчилсан намын Гүйцэтгэх зөвлөл, Үндэсний зөвлөлдөх хорооны гишүүнчлэлийн хэдэн хувьд оруулах болон УИХ-д нэр дэвших квотыг тодорхой тогтоох, уг асуудлыг Ардчилсан намын дүрэмд тусгах зэрэг асуудалд Гүйцэтгэх зөвлөлийн гишүүд санал солилцжээ.
Үүнээс үзвэл АН бусад намуудыг өөртөө нэгтгэх нь. Эх сурвалжийн мэдээлж буйгаар тус нам ИЗНН болон МҮАН-тай нэгдэх гэнэ. Тэгэхээр МАХН-тай УИХ-д бүлэг үүсгэсэн МҮАН-ынхан Н.Энхбаяраас салж АН-д ирэх нь. УИХ-ын гишүүн С.Оюун даргатай ИЗНН ч мөн ялгаагүй АН-тай эвсэх юм байна.
Үүнээс үзвэл АН бусад намуудыг өөртөө нэгтгэх нь. Эх сурвалжийн мэдээлж буйгаар тус нам ИЗНН болон МҮАН-тай нэгдэх гэнэ. Тэгэхээр МАХН-тай нэгдэн сонгуульд оролцож УИХ-д бүлэг үүсгэсэн МҮАН-ынхан Н.Энхбаяраас салж АН-д ирэх нь. УИХ-ын гишүүн С.Оюун даргатай ИЗНН ч мөн ялгаагүй АН-тай эвсэх юм байна.
МҮАН-ын дарга М.Энхсайхан бол АН-ын ууган гишүүдийн нэг бөгөөд тус намаас Ерөнхийлөгчийн сонгуульд нэр дэвшиж явсан нэгэн. С.Оюуны ах талийгаач С.Зориг агсан ч мөн АН-ын шилдэг улс төрчдийн нэг байсан билээ. Тэгэхээр энэ хоёр хүний хэн, хэнд АН ойрхон гэсэн үг. М.Энхсайхан Н.Энхбаяртай таарамжгүй болсноо хэвлэлийн хуудсуудаар дамжуулан хэд, хэдэн удаа илэрхийлсэн. Тэд бие, бие рүүгээ дайралт хийж байсан цаг саяхан. Тэгвэл тэдний энэ маргаан салалт болж хүндэрч байна. Эвслийн гишүүн О.Баасанхүү ч үүнийг бататгасан ярилцлага өгсөн байна.
Ирэх сонгуульд намууд нэгдэж орох асуудлаар удирдлагын түвшиндээ ярилцаж байгаа гэх мэдээлэл бий. Тухайлбал, “МАН болон МАХН нэгдэж УИХ-ын сонгуульд орж магадгүй. Нухацтай ярилцана. Болохгүй гэх газаргүй” гэх мэдээллийг намын дарга нар ярьсан. Харин энэ удаа АН болон ИЗНН, МҮАН-ынхан нэгдэж магадгүй байна. Хэрвээ МАН болон МАХН нэгдвэл АН-ын тавьж буй концерт өндөрлөж ирэх сонгуульд 2000 оны түүхийг давтаж мэдэх юм.
Энэ процессоор бол тун удахгүй “Шударга ёс” эвсэл задрах нь. Энэ цаг хугацааны асуудал бөгөөд ямартай ч ирэх оны сонгуульд намууд салж, нийлсэн цоо шинэ бүтэцтэйгээр оролцох нь.
Т.Хулан
Сэтгэгдэл (22)