Эрүүл мэнд,  спортын сайд Г.Шийлэгдамба Авлигын хэрэгт сэжиглэгдэн хоригдож байгаа тул чөлөөлөгдөх хүсэлтээ гаргасан.   

Тэгвэл өнгөрсөн  долоо хоногийн ням гаригт МАХН-ын Гүйцэтгэх товчоо  хуралдаж, Л.Жамбалжавыг Эрүүл, мэнд, спортын сайдад нэр  дэвшүүлсэн билээ.

Энэ асуудлыг УИХ дахь МАХН-МҮАН-ын Шударга ёс эвслийн бүлгээс Ерөнхий сайдад албан бичгээр хүргүүлээд байсан ч татгалзсан хариуг авсан байна. 

Ерөнхий сайд энэхүү албан бичигтээ “Монгол Улсын Засгийн газрын гишүүн, Эрүүл мэнд, спортын сайдаар Л.Жамбалжавыг томилуулахаар ирүүлсэн албан бичигтэй танилцлаа. Монгол Улсын Үндсэн хуулийн 39 дүгээр зүйлийн 3 дахь хэсэгт Засгийн газрын гишүүнийг томилуулах саналыг УИХ-д өргөн мэдүүлэх нь Монгол Улсын Ерөнхий сайдын бүрэн эрхэд хамаарахаар хуульчилсны дагуу саналыг хүлээн авах боломжгүйг үүгээр мэдэгдье” гэжээ.