МАХН-ын Ерөнхий нарийн бичгийн даргын үүргийг түр орлон гүйцэтгэгч Ц.Шаравдорж, нарийн бичгийн дарга Э.Эрдэнэжамъяан нар дөнгөж сая Төрийн ордонд мэдээлэл хийлээ. Тэд энэ үеэр МАХН-ын дарга Н.Энхбаярыг Шадар сайдад, Шадар сайд Ц.Оюунбаатарыг Эрүүл мэндийн сайдад томилуулах хүсэлтийг Ерөнхий сайд Ч.Сайханбилэгт өргөн барьсан гэдгээ албан ёсоор мэдэгдлээ. 

МАХН-ын Ерөнхий нарийн бичгийн даргын түр орлон гүйцэтгэгч Ц.Шаравдорж энэ талаар "Н.Энхбаяр даргыг Шадар сайд болгох саналыг Ерөнхий сайд анх тавьсан. Энэ дагуу МАХН-ын Гүйцэтгэх товчоо хуралдаад шийдвэрлэсэн байгаа. Энэ асуудлаар МҮАН-тай ярилцаж "Шударга ёс" эвслийн бүлгийн хэмжээнд тохирсон" гэв. 

Дэлгэрэнгүй мэдээллийг удахгүй хүргэх болно. 

Т.Хулан