АН-ын бүлгийн хуралдааны зарим хэлэлцэх асуудал сэтгүүлчдэд нээлттэй явагдлаа. АН-ын бүлэг СЕХ-той хамтран санал тоолох автомат машиныг дахин туршиж үзүүлэв.  Сэтгүүлчдэд саналын хуудасны маягт тарааж, санал өгүүлэн, автомат машинаар тоолуулж, газар дээр нь дүнг танилцуулах туршилт амжилттай явагдлаа.  Сонгогчдын саналыг автоматмашинаас гадна гараар баталгаажуулан тоолохыг МАН-ынхан эрх баригчдаас шаардсан. Харин АН-ын бүлгийн хуралдаанаар МАН-ын шаардлагыг хүлээж авч Сонгуулийн хуульд өөрчлөлт оруулах боломжгүй гэж үзжээ.

УИХ-ын дарга З.Энхболд "2012 оны УИХ-ын болон орон нутгийн, 2013 оны Ерөнхийлөгчийн гэсэн гурван сонгуулиар бид сонгогчдын саналыг хар машинаар тоолсон. Гурван удаагийн сонуулиар энэ автомат машиныг ашигласан. Санал хураалт тоолох үед ямар нэг зөрүү гараагүй. Сая та нараар санал хураалт явуулахад файл л өгөөгүй. Жинхэнэ сонгууль явагдахад  нийт 1.3 сая сонгогчийн саналын хуудасны файлыг  нэр дэвшигчдэд үнэгүй тараана. Нийт нам, нэрдэвшигчдэд 3.6 сая саналын хуудасны зураг  багтаасан файл өгнө. Хэрвээ саналын хуудас , тоолсон тооллого хоёроос зөрүү гарвал   СЕХ-нд гомдол гаргаж болно. Энэ хар машиныг яаж ч шалгасан шалгалтад унахгүй" гэлээ.

Тиймээс УИХ-д суудалтай намын бүлгийн хуралдаанаар дээрх туршилтыг хийж баталгаажуулах бол парламентад суудалгүй улс төрийн хүчнүүд автомат машинаар санал тоолох ажиллагааг СЕХ-д очиж танилцаж, туршиж үзэх боломжтой аж.

Т.Энхэлээ