Өнөөдөр Барилга хөгжлийн төвд "Сайдын 100 өдөр" нээлттэй өдөрлөг зохион байгуулагдлаа. Үүгээр Барилга, хот байгуулалтын сайд З.Баянсэлэнгэ 100 хоногийн хугацаанд хийсэн ажлаа тайлагнав. Тэрбээр өдөрлөгийн үеэр 100 хоногт хийсэн бүтээснээ тайлагнахын зэрэгцээ "Авьяаслаг монголчууд" шоуны оролцогч А.Отгонбаярт "Тэргүүний барилгачин" цол тэмдэг олгох гэж буйгаа хэвлэл мэдээллийн хэрэгслээр дамжуулан зарласан. Ийнхүү хөтөлбөрийн дагуу баргил хоолойтой барилгачин залуу А.Отгонбаярт шагналыг нь гардуулах гэтэл тэрбээр гэнэт алга болжээ. Энэ талаар тус яамны ажилтан "А.Отгонбаяр дуучин шагналаа авахаар ирсэн байсан юм. Гэтэл шагнал гардуулах мөчит алга болчихлоо" хэмээн ярьсан.

Ямартай ч З.Баянсэлэнгэ сайдын авъяастан залуугаар сонгуулийн PR-аа хийх гэсэн оролдлого нь бүтэлгүйтэв.

Т.Сар