Гадаад хэргийн сайд Л.Пүрэвсүрэн өчигдөр нэгэн ноцтой мэдээлийг олон нийтэд дэлгэсэн. Тодруулбал, тэрбээр “Өнгөрсөн онд эхлүүлсэн Монгол улс, ОХУ-ын хооронд стратегийн түншлэлийг хөгжүүлэх дунд хугацааны хөтөлбөр байгуулах яриа хэлэлцээг өнгөрсөн онд эхлүүлсэн. Гэвч тус хөтөлбөр “Улаанбаатар төмөр зам” нийгэмлэгийн дарга Л.Пүрэвбаатарын хариуцлагагүй мэдэгдлээс болж зогсонги байдалд орсон гэж мэдэгдсэн юм. Хамгийн ноцтой нь Л.Пүрэвбаатар дарга Улаанбаатар төмөр зам нийгэмлэгийн Монголын талын зарим хувьцааг Хятадын талд хэсэгчлэн шилжүүлнэ гэдгээ удаа дараа мэдэгдэж, энэ талаар хятадуудтай яриа хэлэлцээ хийж байгаа талаар мэдээлжээ. Үүнээс үүдэн Оросын тал 1949 оны хэлэлцээрт ямар нэгэн өөрчлөлт оруулахгүй гэсэн хатуу байр суурьтай болоод байгаа гэжээ. Л.Пүрэвсүрэн сайд энэ талаар Ерөнхий сайд Ч.Сайханбилэг, Зам, тээврийн сайд М.Зоригт нарт албан бичиг хүргүүлж, Л.Пүрэвбаатарт арга хэмжээ аварыг хүссэн юм.

Тэгвэл энэ талаар Л.Пүрэвбаатар дарга доорх байр, суурийг илэрхийллээ.

Тэрбээр “ Гадаад хэргийн сайдын ард Ё.Манлайбаяр гэх хүн бий. Энэ хүн өмнө нь Зам, тээврийн яамны газрын даргын алба хашиж байсан. Одоо гадаад хэргийн яамны Эдийн засгийн хамтын ажиллагааны газрын даргаар ажиллаж байгаа. Би компанийн ерөнхий захирал биш, төмөр замын дарга. Хувьцааны асуудал надад ямар ч хамаагүй. Миний нэрээр хоёр орны найрамдалт харилцааг сэвтүүлэх ажил хийж байх шиг байна. Хятадад хувьцаагаа өгөх гэж байна гэх ойлголтын зөрүүтэй асуудал гарч байх шиг байна. Яаж ч бодсон төмөр замын дарга хувьцааг шилжүүлэхгүй шүү дээ. Засгийн газар хооронд хэлэлцэх асуудал. Би Хятадын талд юу ч санал болгоогүй. Иймэрхүү эрэмдэг улс төр явжил байдаг шүү дээ. Монголын нутаг дэвсгэр дээр төмөр зам бариулахгүй. Улмаар Орос, Монголыг энэ асуудлаас болж маргалдуулах гэсэн сонирхол байх шиг байна” гэлээ.

Т.Энхэлээ