МАХН-ын Гүйцэтгэх товчоо хуралдаж ЭМС.-ын сайдад Анагаахын шинжлэх ухааны үндэсний их сургуулийн багш Б.Амарсайхан, мөн Г.Лхагвасүрэн нарыг сонгожээ. Одоо тус хоёр хүний аль нэгийг нь сонгоод албан ёсоор нэрийг нь дэвшүүлэх аж. Эрүүл, мэндийн сайдыг томилох хуулийн хугацаа дуусаад олон хоног өнгөрч байгаа. Тус яаманд МАХН-аас хүний гавьяат эмч Л.Жамбалжавын нэрийг дэвшүүлсэн ч Ерөнхий сайдын дэмжлэгийг авч чадаагүй юм.

Мөн одоогийн Шадар сайд Ц.Оюунбаатарыг томилуулах саналыг гаргасан ч Ерөнхий сайдыг дэмжлэгийг бас л авч чадахгүй байгаа гэдэг. Учир нь Ц.Оюунбаатарын оронд МАХН-ын дарга Н.Энхбаярыг Шадар сайд болгоно гэж буй. Харин энэ санал нь Ерөнхий сайдын дэмжлэгийг авч чадаагүй учраас дараагийн хувилбараа санал болгож буй нь энэ бололтой.

Б.Амарсайханы хувьд Япон, Куба улсад доктор хамгаалсанюм байна. Харин Ерөнхий сайдын зүгээс Г.Лхагвасүрэнг байж болох хувилбар гэж УИХ-ын зарим гишүүдтэй ярилцсан байна.

Т.Энхэлээ