Сонгуулийн сургаар цахим сайтууд улстөрчдийн эрэмбэ тогтоох судалгааг ихээр хийх болжээ. Тэд улстөрчдийг сонгохдоо одоогийн УИХ-ын гишүүн, 2016 оны сонгуульд өрсөлдөх намын гишүүд, мөн дэвших магадлалтай бизнесмэн, хувь хүмүүсийг сонгож байгаа бололтой. Говь-Алтай аймгийн улстөрчдийг одоогийн УИХ-д суугаа гишүүд, “Макс” группын ерөнхийлөгч Д.Ганбаатар, “Үндэсний бахархалт Мазаалай” ТББ-ын гүйцэтгэх захирал Р.Шинэгэрэл нар цахим ертөнцөд тэргүүлж байна. УИХ-ын гишүүн Ц.Дашдорж, Ж.Энхбаяр нар бол Говь-Алтай аймгаас удаа дараа сонгогдсон хүмүүс. “Макс” Д.Ганбаатар хурдан буянуудаараа Алтай нутгийнхаа нэрийг улсдаа гаргаж явдаг хүн. Харин Р.Шинэгэрэл гэж ямар хүн байдгийг мэддэг хүн маш ховор тул бага зэрэг судаллаа.

Нэгэн үе хүчтэй өрнөөд хуга дарагдсан "Ардчилсан намын шинэчлэлийн хөдөлгөөн”-ий зохицуулагчдын нэг Р.Шинэгэрэл гэх нөхөр өмнө нь "Алтайн хүдэр” ХХК-ий уурхайтай дайн зарласныг Алтай нутгийнхан, тэр дундаа сошиал ертөнцийхөн нэлээдгүй сайн мэднэ. "Алтайн хүдэр”-ийн уурхайтай тэмцсэний үр дүнд уугуул сумынхаа нутаг дэвсгэрт 50 км орчим хатуу хучилттай зам тавиулж чадсан боловч бусад сумын нутагт тавиулах зорилгогүй байсан учраас мань хашир тэмцлээ үргэлжүүлэхээ больсон бололтой таг чиг болсон гэдэг. Түүнийг нутгийн зарим иргэд "Алтайн Хүдэр"-ээс их хэмжээний мөнгө аваад амаа хамхисан бас сүүлийн үед нутгийнхаа асуудлыг үл тоож байгаа гэх мэтээр ярьж байна.

Р.Шинэгэрэл нь нэг хэсэг "Мазаалай” хамгаалах байгууллага байгуулж, гадаад дотоодын байгаль хамгаалах төслүүдээс мөнгө саахаар санаархсан ч гавьтай ахиагүй яваа нэгэн гэнэ. Мазаалайн нутгийг ухаж идэх гэсэн хүмүүсийн нэлээд нь түүний Ардчилсан намынхан аж. Тэгэхээр мань эр мазаалайгаа мартаад намаасаа дэвших үү, мазаалайгаа хамгаалах уу гэдэг сонголттой тулаад байгаа бололтой. Ямартай ч  тэрбээр ирэх сонгуульд АН-аас нэр двшихээр яригдаж байгаа аж.

24tsag.mn