Улс төрчдийн хөдөлгөөнд орох сонгуулийн сарууд эхэллээ. Өнөөдрөөс эхлэн улс төрийн үйл явц ширүүрсч түүгээр нь ирэх дөрвөн жилийн өнгийг тодорхойлох нь.

Өнөөдөр л гэхэд Н.Энхбаярыг Шадар сайд болгох эсэх асуудлыг Засгийн газрын хуралдаанаар хэлэлцэж магадгүй байна. Эрүүл, мэнд спортын сайд Г.Шийлэгдамбыг АТГ-аас авлигын хэргээр саатуулан шалгаж байгаа. Үүнтэй холбогдуулан тэрбээр үүрэгт ажлаасаа чөлөөлөгдөх хүсэлтээ Ерөнхий сайдад өгсөн. Түүнийг албан тушаалаас нь чөлөөлөх эсэх асуудлыг чуулганы хуралдаанаар эцэслэн хэлэлцэж шийдвэрлээгүй ч Г.Шийлэгдамбын оронд ЭМС-ын сайдад очих хүнийг тодорхойлж чадахгүйд л асуудлын гол нь байгаа юм

Ерөнхий сайд Н.Энхбаярыг Шадар сайд болгохыг дэмжихгүй байгаа гэх мэдээлэл ч байгаа. Ямартай ч өнөөдөр болох Засгийн газрын хуралдаанаар Н.Энхбаяр, Ц.Оюунбаатар нарын асуудлыг хэлэлцээд УИХ-д өргөн барьж магадгүй гэх мэдээлэл байна.

Чухамдаа түүний орны хүнийг томилох асуудал л маргаан дагуулаад байгаа учир өнөөдрийг хүртэл ЭМС удирдлагагүй байлаа. МАХН-аас Шадар сайдад Н.Энхбаярыг, Ц.Оюунбаатарыг ЭМС-ын сайдад томилох хүсэлтийг Ерөнхий сайдад хүргүүлсэн. Түүнийг нь Ерөнхий сайд албажуулалгүй олон хонолоо.  Тэгвэл өнөөдөр болох Засгийн газрын хуралдаанаар Н.Энхбаяр, Ц.Оюунбаатар нарын асуудлыг хэлэлцээд УИХ-д өргөн барьж магадгүй гэх мэдээлэл байна. МАХН-ынхан ч уг асуудлаар Ерөнхий сайдыг нилээн шахаж буй сурагтай.

Харин Ерөнхий сайдын шийдвэрт АН-ынхан ямар хариу үйлдэл үзүүлэх нь олны анхаарлыг ихээхэн татаж байна. Учир нь тус нам дотор Зам тээврийн сайд М.Зоригтоос эхлээд Н.Энхбаярыг Шадар сайдад дэвшүүлэхийг эсэргүүцэгчид олон байгаа. Ерөнхий сайд ч өөрөө ЭМС-ын сайдад Анагаахын шинжлэх ухааны захирлаар ажиллаж байсан хүнийг томилох талаар үг цухуйлгаж, Н.Энхбаярыг дэмжихгүй гэсэн утгыг битүүхэн илэрхийлсэн. Гэхдээ Н.Энхбаярыг дэмжихгүй гэдгээ шууд илэрхийлж бас чадахгүй байгаа. Учир нь тэрбээр өнгөрсөн хугацаанд эвслийн бүлэг, Н.Энхбаярыг түшиж өнөөдрийг хүрсэн шүү дээ.

24tsag.mn