УИХ-ын гишүүн, Өргөдлийн байнгын хорооны дарга О.Баасанхүү хэд, хэдэн асуудлаар Монгол Улсын Ерөнхий Прокурор М.Энх-Амгалантай уулзах гэж байна. Тэрбээр 14.30 цагт сэтгүүлчдийг байлцуулж Өргөдлийн байнгын хороонд ирсэн гурван өргөдлийг М.Энх-Амгаланд шилжүүлж өгөх юм байна.

Тодруулбал, С.Зориг агсаны хэрэгтэй холбоотой өргөдөл хийгээд, Ирвэс хамгаалах сангийн биологч Т.Лхагвасүмбэрэл, ЗГХЭГ-ын дарга С.Баярцогттой холбоотой асуудлуудыг тавьж, албан бичиг хүргүүлэх аж.

О.Баасанхүү гишүүний хувьд  Өргөдлийн байнгын хороог даргалах томилгооны хугацаа дуусаагүй ч нэн яаралтай буулгах гэж байгаа юм. Эх сурвалжийн хэлж буйгаар  ирэх  пүрэв гарагт ажлыг нь өгүүлэхээр болоод байгаа аж.

Д.Дуулим