МАН-ынхан хурал хаяв. Яг одоо УИХ-ын Төрийн байгуулалтын байнгын хорооны хуралдаанаар Улс төрийн намын тухай хуулийн төслийг хэлэлцэж байгаа юм. Уг асуудлыг хэлэлцэж эхлэх үед УИХ-ын гишүүн Д.Лүндээжанцан Улс төрийн намын тухай хуулийн төслийг хэлэлцэх эсэхийг хойшлуулах тухай горимын санал гаргасан. Тэрбээр “Улс төрийн намын тухай хууль энэ сарын 4-нд өргөн баригдсан. Энэ хуулийг нухацтай уншиж судлах хэрэгтэй. Өнөөдөр хүн бүр намыг шүүмжилдэг. Тэр дундаа сонгуулийн өмнө намыг үгүйсгэх нь хэр оновчтой вэ. Амьдрал дээр энэ хууль нарийн асуудал. Энэ хуулиас цаашлаад иргэний эвлэлдэн нэгдэх, үндэсний аюулгүй байдал, Монгол улсын хувь заяа хамаарна” гэсэн юм. Гэвч хуралдаанд оролцсон гишүүдийн олонх тэдний саналыг хүлээж аваагүй тул МАН-ын гишүүд хурлыг орхин гарлаа. Хэлэлцүүлэг үргэлжилж байна.

Т.Хулан