Ардчилсан намын дэргэдэх Ардчилсан эмэгтэйчүүдийн холбооны дөрөвдүгээр дээд чуулган ирэх даваа гаригт Төрийн ордонд болно. Таван жилийн дараа болж буй уг хуралдаанаар Ардчилсан эмэгтэйчүүдийн холбооны тэргүүнийг сонгох сонгууль болох юм. Уг холбооны тэргүүнээр одоо ажиллаж буй УИХ-ын гишүүн Ц.Оюунгэрэл үүрэгт ажлаасаа чөлөөлөгдөх гэж буй бөгөөд улс төрөөс завсарлага авах гэж байгаагаа мэдэгдсэн билээ. Тиймээс түүний орны хүнийг сонгох сонгууль болох гэж буй нь энэ юм.

Тус холбооны тэргүүнд нэр дэвшигчдэд батламж гардуулах ёслол дөнгөж сая боллоо. Уг албан тушаалд нийт 11 эмэгтэй нэр дэвшсэнээс З.Нарантуяа нэр дэвшигч нэрээ татсан учир 10 хүнд өнөөдөр батламж гардууллаа.

Тодруулбал,

1. Л.Нармандах- АЭХ-ны дэд тэргүүн
2. С.Одонтуяа- УИХ-ын гишүүн
3. Г.Хажидмаа
4. Г.Байгальмаа- УИХ-ын даргын зөвлөх, Барилга хот байгуулалтын дэд сайд асан
5. Л.Эрдэнэчимэг- УИХ-ын гишүүн
6. Б.Ургамалцэцэг- БШУ-ны дэд сайд асан, Ерөнхий сайдын зөвлөх
7. И.Нарантуяа- Хүүхдийн төлөө үндэсний газрын дарга
8. Ц.Одонтунгалаг- НИТХ-ын тэргүүлэгч
9. Д.Оюунцэцэг
10. Д.Цэрэнчимэг

АЭХ-ны тэргүүн, УИХ-ын гишүүн Ц.Оюунгэрэл нэр дэвшигчдэд амжилт хүсч, баяр хүргэлээ. Монголын Ардчилсан Эмэгтэйчүүдийн Холбоог 2000 онд намууд нэгдэж Ардчилсан намыг байгуулахад Намын дэргэдэх эмэгтэйчүүдийн байгууллагууд нэгдэж байгуулсан. Тус байгууллага одоо  21 аймаг 9 дүүрэгт салбар зөвлөлтэй, 98000 гаруй гишүүнтэй, намын бүх шатны шийдвэр гаргах түвшинд төлөөлөлтэй юм.

Нэр дэвшигчдийн албан ёсны танилцуулгыг энд дарж уншина уу.

Т.Хулан