Ардчилсан эмэгтэйчүүдийн холбооны тэргүүнийг сонгох дөрөвдүгээр дээд чуулган Төрийн ордноо үргэлжилж байна. Уг холбооны тэргүүнд нийт 10 эмэгтэй нэр дэвшиж байгаа юм. Тухайлбал, Б.Ургамалцэцэг, С.Одонтуяа, Л.Эрдэнэчимэг, Г.Байгальмаа,  Ц.Одонтунгалаг, И.Нарантуяа, Д.Оюунцэцэг, Л.Нармандах, Г.Хажидмаа, Д.Цэрэнчимэг нар нэр дэвшиж байна. Нэр дэвшигчид илтгэлээ тавьж дууслаа. Эдгээрээс нэр дэвшигч Б.Ургамалцэцэгийн илтгэл олны анхаарлыг ихээхэн татаж байна.

Тэрбээр

1. Ардчилсан намын Ургамалцэцэг

2. "Сум 330" хөтөлбөр

3. Боловсрол

4. Хүмүүнлэг

5. Бүтээн байгуулалт гэсэн таван хэсгээс бүрдсэн илтгэлийг тавьсан нь хуралд оролцогч эмэгтэйтэйчүүдийн талархлыг хүлээлээ. Тэрбээр нийгмийн салбар бүрт анхаарлаа хандуулж ажиллаж буйгаа илтгэлээрээ дамжуулав.

Түүний хэлсэн зарим онцлох ишлэлээс хүргэе. 

Намайг Ардчилсан намын Ургамалцэцэг гэдэг. Бандихүүгийн Ургамалцэцэг гэдэг нэр Ардчилсан намын Ургамалцэцэг болтол 20 гаруй жил намынхаа бүх шатанд, халуун тогоонд та нөхөдтэйгээ хамтран зүтгэж ялагдлын гашууныг, ялалтын сайхныг хамтдаа мэдэрсэн. Ардчилсан намын түүхэн ололт, ялалт, алдаа дутагдалын гэрч болж хамтдаа 20 жил зүтгэсэн журмын андууд, цаашдын ялалтын их хүч болсон Ардчилсан намын эмэгтэйчүүддээ чин сэтгэлийн халуун баяр хүргэе. Дэлхийн улс төрийн чиг хандлагад ч эдийн засаг, найрсаг харилцаа, тулгамдсан асуудлуудаа ХАМТДАА шийдвэрлэдэг шинэ соёл хүч түрэн орж ирсэн. Чухам энэ соёлыг Монгол орондоо бий болгож, Монголынхоо эмэгтэйчүүдийн төлөө Ардчилсан намын эмэгтэйчүүд бид ХАМТДАА манлайлан зүтгэх учиртай. 

“Сум-330” хөтөлбөр хэрэгжсэн. Өнөөдөр манай нам Монголын бүх суманд бэлтгэгдсэн 1300 гаруй хүн ардчилсан үзэл санааны үр хөврөлийг түгээн орон нутгийн чадварлаг удирдагч нар болж бэлтгэгдсэн. Ялсанынхаа дараа засаг дарга болох хүнээ хайдаг биш ялахаасаа өмнө чадварлаг боловсон хүчинтэй байх санаачлагыг гаргасан  .............даа  баяр хүргэе.

Би хөдөөний хүүхэд. Дундговь аймгийн Өлзийт сумын 10 жилийн сургуулийг төгсөж, Багшийн их сургуульд боловсрол эзэмшиж, АНУ-ын Бриджпортын Их сургуульд боловсролын магистр хамгаалж, олон сайхан эрдэмтэн багш нарынхаа оюуны уурхайгаас суралцсан. Энэ танхимд сууж байгаа олон олон багш сурган хүмүүжүүлэгчдийн нэгэн адил ирээдүй болсон хүүхэд багачууддаа чанартай, хүртээмжтэй боловсрол олгохын төлөө сэтгэл оюунаа зориулж яваа багш хүн.

Хатууг зөөллөж, эвийг эрхэмлэж явдаг эмэгтэйчүүд Та бидний эдлэх эрх, хүлээх үүрэг ижилхэн. Ээжийнхээ энгэрээс унасан дөрвөн охины нэг, хоёр охиныхоо ээж, айл гэрийн нэгэн багана нь болж яваа би ч Та бүхэнтэйгээ адилхан. Дэлхийн 1,2 сая хүнийг эгнээндээ нэгтгэсэн Rotary club –ийн хүрээнд Монголын 300 хүүхдэд зүрхний хагалгаа хийлгэж амьдрал бэлгэлэж чадсан шигээ Та нөхөдтэйгээ ч  их үйлийг хамтдаа бүтээх болно. 

Ардчилсан эмэгтэйчүүд Та бид энэ мөчөөс эхлэн ирээдүй хойч болсон энхрий үрсийнхээ төлөө, эх орон Монгол Улсынхаа төлөө илүү өргөн хүрээнд харж, өндөр хариуцлагатай, ёс зүйтэй нийгмийг цогцлоохын төлөө  соён гэгээрэл, боловсрол, гадаад харилцаа, эрүүл мэнд, эдийн засаг гээд бүхий л чиглэлд манлайлан оролцож ХАМТДАА зүтгэцгээе.

Асуудалд шийдэл олдог Ардчилсан эмэгтэйчүүд Та бид Ардчилсан намаа ялалтанд хөтлөх, Ардчилсан улсаа хөгжүүлэх хүчтэй баг байж чадна. ХАМТДАА  урагшилцгаая. 

Аймгуудыг холбосон зам, гудамж, жишиг сум, оношилгооны төв, аймгийн төвүүд, орон сууц, шинэ үйлдвэрүүд гээд гарт барьж, нүдэнд үзэгдэх ажлуудыг Ардчилсан намын Засгийн газрууд хийж чадсан. Гэхдээ бид амжилтандаа ирдэж, бүтээсэн бүхнээрээ насны бамбай хийж болохгүй ээ. 

Дашрамд дурдахад, Б.Ургамалцэцэг тус холбооны тэргүүнээр сонгогдох магадлал өндөр байгаа талаар хуралдаанд оролцогчид ярьж байна. 

Т.Энхэлээ