Элчин сайдуудыг томилох асуудлыг Ерөнхийлөгчид өргөн мэдүүлнэ

2016-1-19

Монгол Улсаас суух онц бөгөөд бүрэн эрхт элчин сайдуудыг томилуулах саналыг Монгол Улсын Ерөнхийлөгчид Засгийн газраас өргөн мэдүүлэхээр болжээ.

Тухайлбал БНХАУ-д суух Онц бөгөөд Бүрэн эрхт Элчин сайдаар Д.Ганхуягийг, Япон улад суух Онц бөгөөд Бүрэн эрхт Элчин сайдаар А.Баттөрийг, Бүгд Найрамдах Ардчилсан Солонгос Ард улсад суух Онц бөгөөд Бүрэн эрхт Элчин сайдаар С.Цоггэрэлийг, Бүгд Найрамдах Итали улсад суух Онц бөгөөд Бүрэн эрхт Элчин сайдаар Ц.Жамбалдоржийг томилуулах саналыг Монгол Улсын Ерөнхийлөгчид Засгийн газраас өргөн мэдүүлэхээр болсон байна.

Мөн Бүгд Найрамдах Унгар улсад суух Онц бөгөөд Бүрэн эрхт Элчин сайдаар З.Батбаярыг томилуулах саналтай байгаа аж.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Мал (210.6.79.52)

Элбэгийн нутгийн Баттөр, Ганхуяг, Батбаяр гээд Ховдынхон цуварч ээ. Шударга ёс сэргээнэ, нутаг, жалгын үзлийг үгүй хийнэ гэж 7 жилийн тэртээ нэг л шударга гар хошгирч байсан санагдах юм.АН хүн шиг амьдаруулна улс шиг хөгжүүлнэ гээд яав.Орон сууц, хадгаламж,УБ-ын г.м. татварууд бий болгож, цахилгаан, дулаан,усны үнийг хуга нэмлээ. Элбэгийн өөрийнх нь хэлснээр иргдийн цалингийн 40-50 хувь нь энэ бүхэнд алга болж 3 сая хүн гутарангуй, гурингтан амиа зогоож хулхидуулснаа сая л мэдэрч байнаа

2016 оны 01 сарын 19 | Хариулах