УИХ-ын гишүүн А.Бакей, Н.Номтойбаяр нар Төрийн ордонд муудалцав. Учир нь УИХ-ын гишүүн А.Бакей өөрийн даргалдаг Төрийн байгуулалтын байнгын хорооноос Н.Батцэрэг гишүүнийг хасч оронд нь УИХ-ын гишүүн Г.Батхүүг оруулах асуудлыг чуулганы хуралдаанаар хэлэлцүүлж шийдвэрлүүлэв. УИХ-ын гишүүн, БОАЖ-ын сайд Н.Батцэрэг гадаадад томилолттой байхад нь байнгын хорооны гишүүнээс нь хасч орхисон нь хууль зөрчсөн үйлдэл хэмээн Н.Номтойбаяр гишүүн хэлэв. Тэрбээр "Байнгын хорооны гишүүнийг гадаадад томилолттой байхад нь хассан нь дэгийн тухай хууль зөрчсөн үйлдэл боллоо. А.Бакей дарга  хууль зөрчсөнөө сэтгүүлчдэд тайлбарлах ёстой" гээд түлхэв. Харин А.Бакей гишүүн хууль зөрчөөгүй "Та УИХ-ын гишүүний бүрэн эрхэд, биед халдах эрхгүй шүү" гэв. 

Төрийн байгуулалтын байнгын хорооны өнөөдрийн хуралдаанаар Ерөнхий сайд Ч.Сайханбилэгийг огцруулах тогтоолын төслийг хэлэлцэх байсан. Гэтэл нэг гишүүн эзгүй гэдэг шалтгаанаар ирц бүрдэхгүй байсан юм. Харин эзгүй гишүүнийхээ оронд өөр нэг гишүүнийг оруулж ирцээ бүрдүүлсэн нь ийнхүү хэрүүл дэгдээсэн юм. 

Т.Хулан