УИХ дахь “Шударга ёс" эвслийн бүлэг өчигдөр үдээс хойш хуралдаж хэд, хэдэн асуудлыг хэлэлцсэн байна. Тодруулбал, Г.Уянга, Л.Цог, О.Баасанхүү нарын гишүүдэд хариуцлага тооцох тухай асуудлыг ярьжээ. Тэднийг Засгийн газрыг огцруулах тогтоолын төслийг бүлэгтээ танилцуулж, хэлэлцүүлэлгүй дур мэдэн өргөн барьсан гэж буруутгаж байгаа аж.

 Г.Уянга, Л.Цог, О.Баасанхүү нарт хариуцлага тооцвол намын жагсаалтаар парламентад сонгогдсон О.Баасанхүүг УИХ-ын гишүүний үүрэгт ажлаас нь чөлөөлөх юм байна. Хэрэв ингэвэл жагсаалтад түүний дараа бичигдсэн “Шударга ёс" эвслийн гишүүн парламентад орж ирэх учиртай. Тиймээс О.Баасанхүү УИХ-ын гишүүнээрээ үлдэхийн тулд Засгийн газрыг унагах гарын үсгээ буцааж татна гэх яриа Төрийн ордонд яригдаж байна.

Т.Энхэлээ