Чуулганы нэгдсэн хуралдаан 09.00 цагт эхлэхээр товлогдсон байсан ч 11.00 цагт эхэллээ. Өнөөдрийн хуралдааны хамгийн эхэнд Үндсэн хуулийн Цэцийн дарга Ж.Амарсанааг огцруулах асуудлыг хэлэлцэх байсан ч МАН-ын бүлэг ажлын тав хоногийн завсарлага авлаа.

Тус бүлэг уг асуудлыг УИХ-аар хууль зөрчин хэлэлцэж байна хэмээн үзэж ийнхүү завсарлага авсан юм.

Завсарлага авахаас өмнө УИХ-ын гишүүн Ц.Нямдорж "“Үндсэн хуулийн цэцийн дарга Ж.Амарсанааг огцруулах асуудлаар хууль зөрчлөө. Ийм зүйл байгуулах гэж 25 жил явж ирээгүй. 1930-аад оны хэлмэгдүүлэлт ийм маягаар явж байсан. З.Энхболд та хурал удирдах нь эрх ашгийн зөрчилтэй харагдаж байна.  Ийм комунист, фашист үйлдэл Ю.Цэдэнбал, Х.Чойбалсангийн үед ч байгаагүй.  Уг асуудлыг хойшлуулаад ажлын хэсэг гаргаад хууль зөрчсөн хэлэх эсэхийг мэдмээр байна" гэв.

Харин УИХ-ын дарга З.Энхболд энэ асуудлаар хууль зөрчөөгүй. Хойшлуулах шаардлагагүй гэсэн юм. Хууль зүйн байнгын хороо хууль зөрчсөн юм уу. Д.Ганбат гишүүн хариулаадах.

УИХ-ын Хууль зүйн байнгын хорооны дарга Д.Ганбат: Хууль зөрчөөгүй, хуулийг дээдэлж ажиллаж байгаа. Цэцийн гишүүнийг томилох чөлөөлөх эргүүлэн татах асуудлыг хуулийн дагуул хэлэлцсэн, саналаа ирүүлсэн тохиолдолд долоо хоногийн дотор хэлэлцэн батлахаар заасан байгаа. Цэцийн гишүүнийг эргүүлэн татах бол анх дэвшүүлсэн байгууллагын саналаар хэлэлцэн шийдвэрлэнэ гэдэг, Улсын Дээд Шүүх саналаа ирүүлсэн. Энэ талаар хуульд цагаан дээр хараар бичсэн байгаа. Хуйвалдана, зөвшилцөнө гэх юм. Энэ чинь жинхэнэ фашизм. Хууль зүйн байнгын хороо хуулийн дагуу хуралдсан шүү. Хууль зөрчсөн эсэхийг С.Бямбацогт, Я.Содбаатар нар тогтоохгүй.

Одоо чуулганы хуралдаанаар Засгийн газраас өргөн мэдүүлсэн Хууль тогтоомжийн тухай хуульд өөрчлөлт оруулах тухай хуулийн төслийг хэлэлцэж байна.

Т.Энхэлээ