Сангийн яамны Нягтлан бодох бүртгэлийн бодлогын газрын дарга Х.Пүрэвсүрэн татвар төлөгчдийн мөнгөөр казинодсон тухай мэдээлэл хэвлэл мэдээллийн хэрэгслүүдээр гарсан. Тэгвэл үүнтэй зэрэгцээд УИХ-ын гишүүн Ц.Дашдорж ч казинод азаа үзэж, 100 мянга орчим ам.доллар хожсон тухай хойд хөршийн “Ард” хэмээх сайт мэдээлсэн байна.

Тэгвэл энэ талаар УИХ-ын гишүүн Ц.Дашдорж доорх тайлбарыг өгчээ. Тэрбээр "Миний хувьд өнгөрсөн жилийн 9 сард эмчилгээнийхээ хяналтыг хийлгэх зорилгоор Солонгост очсон. Надад казино хэсээд байх зав, зай ч алга. Юун 100 мянган доллар хожих вэ. Сонгууль дөхөөд ирэхээр иймэрхүү худал мэдээллүүд гардаг. Эх сурвалжийг нь олж хууль хяналтын байгууллагад ханд гэж ажлын албаныхандаа хэлсэн байгаа" гэв.

Т.Энхэлээ