Нийслэлийн хэмжээнд  Улаанбурхан өвчний тархалт ихсэж ойрын өдрүүдэд Халдварт өвчин судлалын үндэсний төв ачаалал ихтэй  ажиллаж байна. Мөн эмч ажилчдын тоог нэмэгдүүлэн уртасгасан цагаар ажиллаж эхэлсэн бөгөөд эмч нарын зүгээс иргэдийг  тус өвчнөөс урьдчилан сэргийлэх “А” амин дэмийн хэрэглээг нэмэгдүүлэх зөвлөмж өгөв.

Улаанбурхан өвчнөөс сэргийлэх:

-Бага насны хүүхдийг гадуур авч явахгүй, гэртээ дулаан байлгаж, асаргаа сувилгааг сайжруулах, (халуурах, нус гоожих, нүд улайж нуухтах, арьсан дээр жижиг гүвдүүт тууралт гарах)зэрэг шинж тэмдэг илэрвэл өрхийн эмчдээ хандах

-Есөн сар болон хоёр нас хүрсэн хүүхдийг улаанбурханы товлолын вакцинд хамруулах,

-“А” аминдэм болон бусад аминдэмийг хэрэглэх.

-Улаанбурханаар өвчилсөн сурагч, оюутан, насанд хүрсэн хүмүүс өвчний шинж тэмдэг илэрснээс хойш 14 хоног гэрийн нөхцөлд хэвтрийн дэглэм баримтлах.

-Улаанбурханы хөнгөн хэлбэрийг өрхийн эмчийн хяналт, зөвлөмжөөр гэрээр эмчилж эдгэрүүлж болно.

-Амны хаалт зүүх,

-Гараа тогтмол савандаж угаах.

Мөн томуу, томуу төст өвчний дэгдэлтийн үе жил бүрийн 11-р сараас 4-р сар хүртэл үргэлжилдэг. Хаврын улиралд  хүмүүсийн дархлалын систем сулардаг тул томуу томуу төст өвчний өвчлөл нэмэгдэх хандлагатай байна.

Томуу, томуу төст өвчнөөс сэргийлэх:

-Oлон нийтийг хамарсан үйл ажиллагаа зохион байгуулахгүй байх, шаардлагагүй тохиолдолд бага насны хүүхдийг авч олон хүн цугласан газраар явахгүй байх,

-Дулаан хувцаслаж, сайн хооллож, унтаж амарч байх,

-Ханиаж, найтаасан тохиолдолд ам, хамраа алчуураар таглах тохоо, суга руугаа ханиалгах, амны хаалтыг тогтмол хэрэглэж 2 цаг тутамд солих,

-Нүд, ам, хамрын салстаар томуу халдах учир бохир гараа хүргэхээс зайлсхийх,

-Гараа байнга савандаж угаах, ялангуяа ханиаж найтаасны дараа гараа заавал угаах, эсвэл спиртэн суурьтай халдваргүйтгэлийн уусмалаар гараа арчих,

Хэрэв та болон танай гэрийн хэн нэгэн томуугаар өвдсөн бол бусдад халдвар тараахаас сэргийлж сургууль, цэцэрлэг, ажилдаа явахгүй гэртээ үлдэж, эмчид хандаж зөвлөгөө авах.