ХҮ нам Дээд шүүхэд бүртгүүлээд удаагүй ч дахин Дээд шүүхийн хаалга татахаар болсон. Тус намынхан С.Ганбаатарыг огцруулж, Б.Найдалааг даргаараа сонгосон. Гэвч С.Ганбаатар өөрийгөө ХҮ намын дарга хэвээр байгаа гэснээр асуудлаа Дээд шүүхээр шийдүүлэхээр болоод буй. 

Намын шинэ дарга гэгдэх Б.Найдалаа ХҮН-д үүсээд байгаа асуудал болон гуравдугаар сарын 2-ны өдрийн Төв хорооны комиссын хурлаар шийдвэрийг батлуулахаар Дээд шүүхэд хандсанаа мэдэгдсэн. С.Ганбаатар ч суудлаа өгөхгүй гэж Дээд шүүхэд гомдол гаргаад байгаа юм. Тиймээс ХҮ намаас шинээр сонгогдсон намын даргыг бүртгүүлэх тухай хүсэлтийг хэлэлцэх хуралдаан энэ сарын 18-нд буюу баасан гаригт Дээд шүүх дээр товлогдсон байгаа ажээ.

Т.Энхэлээ