УИХ-ын гишүүн Д.Тэрбишдагва  мэдээлэл хийлээ.

Тэрбээр чуулган завсарласнаас хойш иргэдтэй уулзаж, санал бодлыг нь сонссон байна. Энэ үеэр иргэд түүнд  амьдрал хэцүү байгаа талаараа хэлж, “набор” буюу таван цул авч иддэг болсон гэж мэдэгджээ. Мөн эдийн засгийн өсөлт саарч дифляцид ороод байгаа энэ хүнд үед жижиг дунд үйлдвэр эрхлэгчид мөнгөгүй болж, өрөнд орохын хажуугаар НӨАТ-ын хуулиар далайлгаж байгаа нь зохисгүй гэж ард түмэн хэлсэн хэмээн хэвлэлийн хуралд онцоллоо. 

Үүний дараа сэтгүүлчдийн сонирхсон асуултад хариуллаа.

-МАХН, МАН ирэх сонгуульд эвсэж орох асуудал яригдаж байна. Уг асуудалд та ямар байр суурьтай байгаа вэ?

-Хоёр намын хамтын ажиллагаа эвтэй байх ёстой гэсэн ард түмний хүсэл эрмэлзэл байна. Би 2015 оны дөрөвдүгээр сард “Өдрийн сонин”-д ярилцлага өгөхдөө МАН, МАХН хамтрах ёстой гэж хэлж байсан. АН-ынхан ч манай хоёр нам эвсэж сонгуульд оролцохыг дэмжиж байна.

-Танай нам ЭМС-ын асуудлыг хэрхэн шийдэх вэ?

-ЭМС-ыг томилох ёстой. Одоогийн байдлаар энэ салбар сайдгүй ч биш түр орлон гүйцэтгэгч томилоод ажиллуулж байна. Шадар сайдын ажил их байгаа хэдий ч эрүүл мэндийн салбарыг давхар удирдаж байгааг зөв гэж үздэггүй. Тиймээс би Ерөнхий сайдтай утсаар ярьж ЭМС-ын сайдыг яаралтай томилох ёстой гэж саналаа хэлсэн. Онцгойлон анхаарна гэсэн хариу өгсөн.

Т.Энхэлээ