Монгол Улсын сайд М.Энхсайханыг Тагнуулын Ерөнхий газарт  шалгуулахаар болжээ. Тодруулбал “Жудагт Монгол” холбооны удирдлагууд М.Энхсайханыг шалгуулах өргөдлөө өнөөдөр ТГЕ-т өгсөн байна. 

Тэд “Тавантолгойн хөрөнгө оруулагчидтай хэлэлцээр хийх Засгийн газрын ажлын хэсгийг сайд М.Энхсайхан ахалж ажилласан. Тэгвэл сайд М.Энхсайхан болон түүний ахалсан ажлыг хэсгийг Монгол Улсын эрх ашигт ноцтой хор хохирол учруулах үйлдэл хийсэн байж болзошгүй” хэмээн ТЕГ-т шалгуулах өргөдөл өгчээ.  

Мөн сайд М.Энхсайханыг Тавантолгойн орд газрын талаар Үндэсний аюулгүй байдлын зөвлөл, УИХ, Засгийн газраас гаргасан шийдвэрийг өнөөдрийг хүртэл хэрэгжүүлэхгүй, тодорхой бус шалтгаанаар саатуулж байгаа нь Эрүүгийн хуулийн тусгай ангид заасан хорлон саатуулах гэмт хэргийг өдүүлж байна хэмээн үзэж байгаа аж. 

Тиймээс харьяаллын дагуу тагнуулын байгууллагад хандаж, шалгуулахаар болсон нь энэ аж. Тагнуулын ерөнхий газар тэдний өргөдлийг шалгах, буцаах эсэхээ тав хоногийн хугацаанд, хэрэг үүсгэх, хэрэгсэхгүй болгохоо 14 хоногт багтаан шийдвэрлэж, хариу өгөх ёстой юм байна.