МАХН-ын Бага чуулган өчигдөр орой тус намын байранд эхэлсэн. Тус чуулганд 130 гаруй гишүүн оролцож буй бөгөөд намын удирдлагууд бүрэн бүрэлдэхүүнээрээ оролцсон байна.

Чуулганы уур амьсгал нэлээн ширүүн уур амьсгал дунд өрнөсөн бөгөөд МАХН-аас урвасан шарвасан хүмүүст хариуцлага тооцох асуудлыг голлон хөндөж ярьсан сурагтай. Тодруулбал, намын даргаасаа урвасан гэх Г.Шийлэгдамба, Л.Цог нарт хариуцлага тооцох асуудлыг хэлэлцэж, тэднийг албан тушаалаас нь чөлөөлжээ. Ингээд намын дэд дарга нараар Д.Тэрбишдагва, Ц.Оюунбаатар, Э.Эрдэнэжамъяан нар томилогдсон бол Ерөнхий нарийн бичгийн даргаар Ж.Сүхбаатар, нарийн бичгийн дарга нараар Н.Удвал, нарыг томилжээ.

Харин Эрүүл мэнд, спортын сайд болон УИХ-ын дэд даргад хэнийг дэвшүүлэх асуудлыг өнөөдөр хэлэлцэж буй сурагтай. Мөн МАН-тай хамтрах ажлын хэсгийн ахлагч, УИХ-ын гишүүн Ч.Улааны мэдээллийг сонсч чиглэл өгсөн байна.

24tsag.mn