МАХН-ынхан өнгөрсөн баасан гаригт хуралдаж ЭМС-ын сайдад Ц.Лхагвасүрэнг нэр дэвшүүлэхээр болсон байна. Уг нь тохирсон ёсоор Н.Энхбаярыг Шадар сайдад томилж, Ц.Оюунбаатарыг ЭМС-ын сайдад томилох саналыг МАХН-аас хүргүүлсэн ч АТГ-аас Н.Энхбаярын ялтай хугацаа дуусаагүй гэж тодорхойлсноор уг асуудал талаар болсон юм. Түүгээр ч барахгүй Н.Энхбаярт эрүүгийн хэрэг үүсгэн шалгаж эхлээд байгаа юм. Ц.Лхагвасүрэнгийн нэрийг ойрын өдрүүдэд Ерөнхий сайдад хүргүүлэх гэнэ. Дашрамд дурдахад үүнтэй зэрэгцэн АН-ынхан ЭМС-ын сайдыг өөрсдөө авч, МАХН-ыг засгаас гаргах талаар ярилцаад эхэлсэн гэх мэдээлэл ч байгаа юм. Тэгэхээр ЭМС-ын сайдад АН, МАХН-ын хэн нь хүнээ томилох эсэх нь эргэлзээтэй байгаа юм.

МАХН-аас ЭМС-ын сайдад нэр дэвшиж буй Академич Ц.Лхагвасүрэнгийн товч намтар

Ц.Лхагвасүрэн 1954 оны 12 сарын 17-нд төрсөн.  Анагаах Ухааны Дээд Сургуулийг хүний их эмч мэргэжлээр төгссөн.  Анагаахын шинжлэх ухааны доктор, профессор, Академич цолтой. ЭМ-ийн сайдын зөвлөлийн гишүүн, БСШУ ны сайдын зөвлөлийн гишүүн,  Монголын АУ ны Боловсрол судлалын холбооны тэргүүн, Монголын АУ ны Боловсрол судлалын холбооны Удирдах зөвлөлийн даргаар ажиллаж байсан. Боловсролын тэргүүний ажилтан, Эрүүлийг хамгаалахын тэргүүний ажилтан, Шинжлэх ухааны тэргүүний ажилтан, Ази номхон далайн бүсийн орнуудын академийн хүндэт медаль, Монгол улсын эрүүлийг хамгаалахын гавьяат ажилтан, Алтангадас одонт.

1978-1979: Улаанбаатар хот УКТЭ-ийн Сэхээн амьдруулах, эрчимт эмчилгээний тасагт их эмч
1979-1986: Анагаах Ухааны дээд сургуулийн Эмгэг физиологийн тэнхимд багш
1986-1989: Аспирант
1989-1991: Анагаах Ухааны Мэдээлэлзүй-Сэтгэл судлалын хүрээлэнгийн эрхлэгч.
1991-1992 АУИС-ийн Хичээл ангийн эрхлэгч
1993-1995: АУИС-ийн Сургалтын албаны дарга
1995-2013: Эрүүл мэндийн шинжлэх ухааны их сургуулийн захирал
2013-2014 ЭМШИУС ийн зөвлөх профессор
2014-оноос Монголын анагаах ухааны академийн ерөнхийлөгч

XI. Одоо ажиллаж байгаа байгууллага: Монголын анагаах ухааны академи,
XII. Албан тушаал: МАУА –ийн Ерөнхийлөгчөөр ажиллаж байна.

Т.Энхэлээ