УИХ-ын ээлжит бус чуулганы хуралдаанаар хэлэлцэхээр товлоод байсан Ашигласан түлшний болон цацраг идэвхт хаягдлын менежментийн аюулгүй ажиллагааны тухай 1997 оны конвенцид нэгдэн орох тухай хуулийн төсөл, Бага хэмжээний цөмийн материалын шинэчилсэн протоколыг соёрхон батлах тухай хуулийн төсөл, Цөмийн аюулгүй ажиллагааны тухай 1994 оны конвенцид нэгдэн орох тухай хуулийн төсөл, Цөмийн материалыг биечлэн хамгаалах тухай 1980 оны конвенцийн 2005 оны нэмэлт, өөрчлөлтийн тухай протоколыг соёрхон батлах тухай хуулийн төсөл, Шүүхийн шийдвэр гүйцэтгэх тухай хуулийн 54 дүгээр зүйлийн 54.2 дахь хэсгийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2016 оны 03 дугаар сарын 02-ны өдрийн 04 дүгээр дүгнэлт зэргийг Засгийн газраас эгүүлэн татахаар болжээ.

Уг хуулийн төслийн Засгийн газрыг төлөөлөн ЗГХЭГ-ын дарга С.Баярцогт өргөн барьж ээлжит бус чуулганаар хэлэлцүүлэх гэсэн боловч  зарим ТББ болон иргэдийн эсэргүүцэлтэй тулгарсан юм. Тиймээс иргэдэд энэ талаар зөв ойлголт, мэдээлэл өгсний дараа дахин өргөн барихаар болжээ.

Ингэснээр ээлжит бус чуулганыг цуцалж ч мэдэх нөхцөл байдал үүслээ.

Т.Энхэлээ