УИХ-ын ээлжит бус чуулганы хуралдаанаар Засгийн газраас өргөн мэдүүлсэн Ашигласан түлш, цөмийн болон цацраг идэвхт хаягдлыг Монгол Улсын хилээр оруулахыг хориглох тухай хуулийг хэлэлцэхээр товлосон. Уг хуулийн төсөлд “Ашигласан түлш, цөмийн болон цацраг идэвхт хаягдлыг Монгол Улсын нутаг дэвсгэр дээр хадгалах, түр байршуулах, булшлах зорилгоор импортлох, хил дамжуулан тээвэрлэх болон түүнтэй бусад үйл ажиллагаа явуулахыг хориглоно” гэж заасан байгаа. Энэ хуулийн төслийг хэлэлцэх хуралдаанд АН-ын 30 гишүүнээс гадна Ц.Оюунбаатар, С.Оюун, Ч.Улаан, Н.Батцэрэг, О.Баасанхүү, Н.Цолмон, З.Баянсэлэнгэ нарын гишүүд ирсэн байна. АН-ын таван гишүүн гадаадад томилолттой байгаа аж. Харин МАН-ын бүлгийн 26 гишүүнээс нэг нь ч чуулганы хуралдаанд ирээгүй байна.

Ирц бүрдэхгүй байгаа учраас чуулганы хуралдааныг 14.00 цаг болгож хойшлууллаа. Өчигдөр иргэний хөдөлгөөний байгууллагууд цөмийн хаягдлыг Монголд оруулахгүй байх эрх зүйн орчинг бүрдүүлэх олон улсын конвенцид элсэхийг эсэргүүцэж Төрийн ордны гадна жагссан. МАН-ынхан үүнийг дэмжиж байгаагаа илэрхийлж өчигдөр чуулганы хуралдаанд ирцээрээ бойкот хийсэн. Гэтэл өнөөдөр Цөмийн хаягдлыг хориглох хуулийн төслийг хэлэлцэхгүй гэж ирцээрээ бойкот хийсээр байна. Үүгээрээ тэд цөмийн хаягдлыг Монголд оруулна гэж байр сууриа илэрхийлж байна хэмээн УИХ дахь АН-ын бүлгийн дарга хэлэв.

Т.Энхэлээ