УИХ-ын Хууль зүйн байнгын хорооны өнөөдрийн хуралдаанаар АТГ-ын дарга Н.Ганболдыг үүрэгт ажлаас нь чөлөөлөх тухай асуудлыг хэлэлцэн гишүүдийн 69.2 хувийн саналаар дэмжлээ. Одоо уг асуудлыг УИХ-ын чуулганаар хэлэлцэн эцэслэх юм.

АТГ-ын дарга, тэргүүн комиссар Н.Ганболд нь өөрийн хүсэлтээр ажлаасаа чөлөөлөгдөх хүсэлтээ Ерөнхийлөгч Ц.Элбэгдоржид өчигдөр өргөн барьсан юм.

Тэрбээр "Чөлөөлөгдөх хүсэлт гаргасан нь эрүүл мэнддээ анхаарах шаардлага гарсантай холбоотой. Албан тушаалын наймаа байхгүй. Тэтгэврийн насанд хүрч байгаа учраас хууль тогтоомжийн дагуу тэтгэврээ тогтоолгох хүсэлтэй байгаа" гэсэн юм.

Т.Энхэлээ