УИХ-ын чуулганы хуралдаанаар Үндэсний аюулгүй байдлын тухай /шинэчилсэн найруулга/ болон холбогдох бусад хуулийн төслийн хэлэлцэх эсэхийг хэлэлцэж байна. Ерөнхийлөгчөөс өргөн мэдүүлсэн батлан хамгаалахын салбартай холбоотой багц хуулийн төслүүдэд Үндэсний аюулгүй байдлын тухай, Батлан хамгаалах тухай, Зэвсэгт хүчний тухай, Цэргийн албаны тухай, Цэргийн албан хаагчийн эрх зүйн байдлын тухай, Төрийн болон албаны нууцын тухай зэрэг хуулийн төслүүд багтаж байгаа аж.

Үүний дараа Монгол Улсын иргэний харьяаллын тухай /шинэчилсэн найруулга/ болон холбогдох бусад хуулийн төслүүдийн хэлэлцэх эсэх хэлэлцүүлгийг хийнэ. Энэ хуулиар давхар харьяаллыг зөвшөөрөхгүй. Монгол Улсад оршин суух хүсэлтэй, тодорхой шаардлага хангасан иргэнд хөх үнэмлэх олгохоор төсөлд тусгажээ.