УИХ-ын чуулганы нэгдсэн хуралдаанаар Ерөнхийлөгчөөс өргөн мэдүүлсэн Монгол Улсын иргэний харьяаллын тухай хуулийн төслийн шинэчилсэн найруулгыг хэлэлцээд гишүүдийн 88.1 хувь нь дэмжсэнээр анхны хэлэлцүүлэгт шилжүүллээ.
Хөх үнэмлэхийг гарал үүсэл нэг, монгол хэл бичгийн мэдлэгтэй Монгол үндэстэн, угсаатнуудад өгөхөөр заажээ. Түүнчлэн манай улсад нэн шаардлагатай шинжлэх ухаан техник, технологийг эзэмшсэн урлаг, спортын авьяастан болон онцгой шаардлагатай чадвар бүхий хүнд олгохоор заасан байна. Хөх үнэмлэх авсан иргэн манай улсад таван жилийн хугацаагаар амьдарч болох бөгөөд нэмж 10 жилийн хугацаагаар сунгаж болох аж. Ж.Батзандан гишүүн энэхүү хөх үнэмлэх олгох зохицуулалтыг дэмжиж байгаа гэдгээ хэлсэн. Тэрбээр “Эзэн Чингис хааны үеэс л хөх Гэрэгэг ашигладаг байсан. Одоо хөх үнэмлэхийг ашиглаж байгаа нь зөв. Монголд ирээд хүүхдийн эмнэлэг барьж байгаа гэгээнтэнд, энэ мэт Монголыг гэсэн сэтгэлтэй хүмүүст энэ үнэмлэхийг олгож байх хэрэгтэй” гэсэн юм.
Сэтгэгдэл (10)