АН-ын бүлэг өчигдөр хуралдаж Үндсэн хуулийн цэцийн 05 дугаар дүгнэлтээр байр, сууриа нэгтгэх ёстой байсан ч АН-ын бүлгийн зарим гишүүд уг асуудлыг эсэргүүцэж хуралдаа суугаагүй учир  ирц бүрдэлгүй тарсан юм. Тэгвэл тус бүлэг өнөөдөр хуралдаж Цэцийн дүгнэлтийг хүлээн авах эсэхийг хэлэлцсэн ч нэгдсэн саналд хүрч чадаагүй тарсан сурагтай.

Учир нь тус намын бүлгийн ихэнх гишүүд Үндсэн хуулийн цэцийн дүгнэлтийг эсэргүүцэж байгаа аж. Тиймээс Цэцийн шийдвэрийг хүлээж авах асуудлаар нэгдсэн бус гишүүн тус бүртээ өөр, өөрийн байр сууриар чуулганы хуралдаанд орох бололтой. Ялангуяа эмэгтэй болон залуу гишүүд уг асуудлыг эсэргүүцэж байгаа аж.

Үндсэн хуулийн цэцээс Сонгуулийн хуулийн пропорциональ тогтолцооны заалт нь Үндсэн хууль зөрчсөн гэсэн дүгнэлтийг гаргасан билээ. Уг дүгнэлтийг холбогдох байнгын хороогоор дэмжсэн бөгөөд чуулганы хуралдаанаар хэлэлцэх шатанд “Шударга ёс” эвслийн бүлэг ажлын тав хоногийн завсарлага аваад байгаа юм.  Завсарлага энэ долоо хоногт дууссанаар уг асуудлыг УИХ-аар маргааш хэлэлцэх гэж  байгаа юм.

Т.Энхэлээ