Эрх мэдлийн төлөө тэмцэлдэж буй түшээ нэртэнгүүдэд төрийн ажил түй ч хамаагүй болсон цөвүүн цаг хэр үргэлжлэхийг хэн ч таашгүй. АТГ толгойгүй бүтэн долоо хоногийг үдлээ. Уг нь өнөөдрийн УИХ-ын Хууль зүйн байнгын хорооны хуралдаанаар АТГ-ын даргын асуудлыг хэлэлцэх ёстой байсан ч энэ асуудлыг хэлэлцэхгүй хойш тавьж өөр асуудал хэлэлцүүлэхээр оруулж ирсэн нь хэн хүний сэжгийг төрүүлнэ. 

Энэ асуудал ийнхүү ужиграх болсон нь хөтөлгөө морьтой ханьссан хоёр "Э"-гийн хоршил задарсных гэх мэдээлэл шаргал ордонд хөвөрч байна. Ер нь сүүлийн үед АН-ын гишүүн хоёр “Э”-гийн тулаан ширүүхэн өрнөж, бараг л оргилдоо хүрэхийн өмнөхөн яваа юм биш үү.

З.Энхболд "Авилгатай тэмцэх хууль"-д нэмэлт өөрчлөлт оруулах замаар “өөрийн хүнийг” энэ суудалд суулгахаар Ерөнхийлөгчийн нэр дэвшүүлээд буй Х.Энхжаргалыг хойш тавьж байгаа гэх.

Яагаад энэхүү "зодоон" эхлэх болсон бэ гэвэл ирэх жил Ц.Элбэгдорж Ерөнхийлөгчийн суудлаасаа бууж, намын дарга болох санаархал тээсэн нь суудлаа хадгалж үлдэх гэсэн З.Энхболдын таалалд нийцээгүйгээс үүдэлтэй гэх. Тиймээс ч Ц.Элбэгдоржийн хийсэн ажил, хэлж буй үгийг нь намын дарга нь мушгин гуйвуулж, түүнийг муухайгаар харагдуулан улс төрийн карьерыг нь унагах санаархал агуулж буй. Энэ нь ч одоо ил цагаандаа гарч, эрээвэр хураавар төлөвлөгөөгөөр хэрэгжиж эхлээд байгаа юмдаг уу даа.

Тэдний "зодоон"-той холбоотой хамгийн ойрын жишээ нь АТГ-ын даргын асуудал болоод байгаа юм. Тодруулбал, Монгол Улсын Ерөнхийлөгчөөс Авлигатай тэмцэх газрын даргад томилуулахаар цагдаагийн хурандаа Х.Энхжаргалын танилцуулгыг УИХ-д хүргүүлсэн. Гэвч энэ асуудал өнөөдрийг хүртэл шийгдээгүй. Учир нь энэ "эрхэм" сэнтийд УИХ-ын дарга З.Энхболд өөрийн хүнийг суулгахаар зэхэж байгаа гэх мэдээлэл байна.

Тодруулбал, З.Энхболд "Авилгатай тэмцэх хууль"-д нэмэлт өөрчлөлт оруулах замаар “өөрийн хүнийг” энэ суудалд суулгахаар Ерөнхийлөгчийн нэр дэвшүүлээд буй Х.Энхжаргалыг хойш тавьж байгаа гэх. Мөн Ц.Элбэгдоржийн оруулж ирсэн хүнийг АТГ-ын даргад томилохгүй, түүнийг энэ суудалд тэнцэхгүй хүн санал болгосон хэмээн нийгэмд таагүй мессеж хүргэх гэсэн бодол агуулсан байхыг ч үгүйсгэхгүй гэдгийг улс төрийн хүрээнийхэн өгүүлж байгаа юм.

Ямартай ч АН-ын хоёр “Э”-гийн зөрчил АТГ-ыг хэсэг хугацаанд толгойгүй байлгах нь. Харин энэ суудал эзэнгүй байснаас хууль зөрчсөн үйлдэл гарвал хариуцлагыг хэн хүлээх вэ гэдэг асуудал бол өрсөлдөгчдөд падлий алга.  

24tsag.mn